Maxfiylik va xavfsizlik siyosati

ZoodMall maxfiylik siyosati

MUALLIFLIK HUQUQI HAQIDA OGOHLANTIRISH

  1. Agar buning teskarisi qatʼiy koʻrsatilgan boʻlmasa, vebsaytda va/yoki ZoodMall mobil ilovasida (birgalikda "Veb-sayt") keltirilgan barcha materiallarga, jumladan grafik suratlar, matn, videokliplar, reprografika, ovozlar, namoyishlar, patchlar hamda boshqa fayllarga boʻlgan mualliflik huhuqi, maʼlumotlarga egalik huhuqi va shu kabi huquqlar ZoodMall yoki uning shoʻba korxonalari tomonidan nazorat qilinadi yoki litsenziyalanadi hamda mualliflik huquqi, savdo belgisi, intellektual mulk qonuni va boshqa mulkiy huquqlar tomonidan himoyalanadi.
  2. Ushbu sahifalardagi maʼlumotlarni shaxsiy notijoriy va nofoyda maqsadlarda koʻrish, chop etish yoki yuklab olishga cheklangan darajadagi ruxsatga egasiz hamda sizga hech qanday koʻrinishda ushbu materiallardan tijoriy foyda olishda foydalanishga ruxsat berilmaydi.
  3. Veb-sayt sahifalarining har qanday koʻrinishdagi diskda yoki boshqa biror saqlash tizimida saqlangan nusxasidan faqat keyingi koʻrish yoki uning qismlarini chop etish maqsadida foydalanishi mumkin.
  4. Siz (bevosita yoki bilvosita shaklda biror dasturdan foydalangan holda) ushbu Veb-saytdagi sahifalarning barchasi yoki bir qismini yuklab olish yoki joylashtirish orqali elektron yoki boshqa shaklda maʼlumotlar bazasini yaratishingiz mumkin emas. Buning uchun oramizda shartnoma shaklida aniq ruxsat koʻrsatilgan bizning yozma shakldagi ruxsatnomamiz zarur boʻladi.
  5. Bizning oldindan berilgan ruxsatimiz boʻlmagan taqdirda, ushbu Veb-saytning hech qaysi qismi boshqa veb-saytda qayta tiklanishi yoki koʻchirilishi yohud joylanishi mumkin emas, shuningdek, uning sahifalaridan hech qaysi biri, xoh elektron xoh noelektron shaklda boʻlsin tarqatilishi yoki ommaviy yoki shaxsiy elektron qaytarib olish tizimi yoki xizmatiga kiritilishi mumkin emas.
  6. Veb-saytimizning bosh sahifasiga havola koʻrsatish yuqori baholanadi, ammo nomimiz, logotipimizdan foydalanish va Veb-saytimizga havola koʻrsatish uchun yozma ruxsat talab etiladi. Ushbu holatda bizga murojaat qiling. Oldindan tuzilgan yozma shartnomasiz hech qanday chuqur havola keltirish yoki freymingga ruxsat berilmaydi. Istalgan vaqtda shu kabi ruxsatnomani qaytarib olish huquqini oʻzimizda qoldiramiz.
  7. Siz bizning yozma ruxsatimizsiz ushbu Veb-saytdagi birorta materialni oʻzgartirish, qayta chop etish, tarqatish, nusxa yaratish, moslashtirish yoki shaklini buzishingiz yoki ushbu materiallarning birortasidan ommaviy chiqishda yoki ushbu Veb-saytdan yoki undagi materiallardan tijoriy maqsadlarda foydalanishingiz mumkin emas.
  8. Ushbu qoidalar yoki Veb-saytga doir boshqa qoidalardan birortasini buzgan taqdiringizda berilgan ruxsat avtomatik tarzda bekor qilinadi.
  9. Ushbu Veb-saytdagi hech narsa yoki siz foydalangan xizmatlardan hech qaysisi, intellektual mulkka doir litsenziyaga yoki huquqlarga yoki ZoodMall egalari va operatorlari, uning shoʻba korxonalari yoki har qanday uchinchi tomonning egalik huquqlariga, ushbu huquqlar atayin berilgan yoki huquq berish aniq koʻrsatilgan holatlardan tashqari boshqa sabablarga koʻra berilgan boʻlishidan qatʼiy nazar, ega boʻlish sifatida qabul qilinmasligi kerak

JAVOBGARLIKDAN VOZ KECHISH

Ushbu Veb-sayt kontenti quyida keltirilgan shartlar asosida boshqariladi:

  1. Ushbu sayt kontenti faqat umumiy maʼlumot sifatida yoki mijozlar foydalanishi uchun taqdim qilingan (quyida koʻrsatilganidek).
  2. Ushbu sahifadagi va Veb-saytdagi maʼlumotlar vaqti-vaqti bilan yangilanib boriladi. Ammo biz ushbu hujjat bilan maʼlum bir sahifa, Veb-sayt yoki undagi biror maʼlumotlarning sifati, aniqligi, samaradorligi, toʻliqligi, bajarilishi, maqsadga muvofiqligi borasida (aniq shaklda aytiladimi yoki shu kabi maʼno kelib chiqadimi, bundan qatʼiy nazar) hech qanday kafolatlar bermaymiz, jumladan (hamda quyidagilar bilan cheklanmagan holda) ushbu Veb-saytda joylangan narx taklif etish yoki xolis taʼriflar borasida.
  3. Biz hech qanday zararlar uchun (jumladan, har qanday bilvosita zararlar yoki qoʻldan boy berilgan tijoriy imkoniyatlar yoki loyihalar, yoki qoʻldan boy berilgan daromadlar), ular shartnoma yoki qonunbuzarlik harakati yoki boshqa sabablarga koʻra, ushbu Veb-sayt, undagi maʼlumotlardan foydalanish yoki foydalanabilmaslik oqibatida, shuningdek ushbu Veb-saytdan yoki undagi maʼlumotlardan foydalanish oqibatida kelib chiqqan har qanday harakat yoki harakatsizlik boʻlishidan qatʼiy nazar javobgar boʻlmaymiz. Har qanday holatda ham, har qanday (shu jumladan ehtiyotsizlik oqibatida kelib chiqqan) zararlar uchun boʻlgan javobgarligimiz ushbu Veb-saytga tashrif davomida siz tomondan toʻlangan summadan, agar shu kabi holat yuz bergan boʻlsa, oshmaydi.
  4. Ushbu Veb-sayt uchinchi tomonlar tomonidan taqdim etilgan maʼlumotlar, narx takliflari yoki taʼriflari kabi materiallardan iborat va biz shu kabi materiallarning kontenti yoki aniqligi uchun javobgar emasmiz hamda ushbu Veb-saytdagi har qanday reklama qilingan xizmatlarning kafolatlangan tarzda taqdim etilishi borasida hech qanday kafolat bermaymiz.
  5. Biz Veb-saytdagi maʼlumotlar mahv etuvchi yoki buzuvchi tabiatga ega viruslar yoki zarar keltiruvchi kodlardan holi ekaniga kafolat bermaymiz hamda yuqoridagilarni inobatga olib, Veb-saytdan foydalanganlik uchun hech qanday javobgarlikni boʻynimizga olmaymiz.
  6. Butun javobgarlikdan, jumladan koʻzda tutilgan har qanday shartlardan qonunchilikda ruxsat etilgan eng yuqori darajada ozod etilamiz, chunki ushbu Veb-sayt kontenti "boricha" tamoyiliga asosan va hech qanday kafolatlarsiz taqdim etiladi. Biz ushbu Veb-sayt kontentini istalgan vaqtda, ogohlantirishsiz oʻzgartirish huquqini saqlab qolamiz.

Ushbu Veb-sayt kontentiga nisbatan Shveytsariya qonunchiligi va Shveytsariya savdo palatalari Arbitraj institutining ekslyuziv yurisdiktsiyasi qoʻllaniladi (yuridik arbitraj joyi Jeneva, Shveytsariya; arbitraj Shveytsariya savdo palatalari Arbitraj institutining 2012 yilgi Shveytsariya xalqaro reglamentiga asosan yoki Shveytsariya savdo palatalari Arbitraj instituti tomonidan tayinlangan yagona arbitr tomonidan amalga oshiriladi). Agar siz ushbu qonunchilik yoki ushbu qonun-qoidalar qoʻllanilishiga qarshi boʻlsangiz, u holda Veb-saytdan foydalanmaslikka chaqiramiz.

MAʼLUMOTLARNI HIMOYA QILISH SIYOSATI

Biz jismoniy darajada qurilmalarimizda saqlanayotgan axborotlar va shaxsiy maʼlumotlar xavfsizligini taʼminlaymiz hamda uchinchi shaxslar tomonidan noqonuniy kirish xavfsizlik tizimimizga xavf solishi mumkin boʻlgan Veb-sayt, binolar, hisoblash texnikasi joylashgan xonalar, ofis, texnologik hududlar va boshqa obʼektlarga kirishni cheklash boʻyicha choralar koʻramiz.

Tijoriy manfaat yoki maxfiy boʻlgan barcha axborotlar, jumladan, shaxsiy maʼlumotlar kompyuterlarda joylanadi yoki saqlanadi, qoʻl kartotekada saqlanadigan har qanday axborotlar koʻrilgan xavfsizlik choralari doirasida yopiq hamda himoyalangan holda saqlanadi.

Biz axborotlarga va shaxsiy maʼlumotlarga kirishni cheklash boʻyicha choralarni koʻramiz, jumladan, mavjud jarayonlarni qoʻllash, foydalanuvchilarni avtorizatsiya va autentifikatsiya qilish, kirishni cheklash maqsadida dasturiy vositalarni nazorat qilish va shifrlash kabi maʼlumotlarni himoya qilish uslublaridan foydalanamiz.

Biz biznes uzluksizligini taʼminlash rejasidan favqulodda holatlardagi harakatlar rejasi sifatida foydalanamiz va u favqulodda holatlarda himoya qilinadigan korxona va aktivlar (shu jumladan shaxsiy maʼlumotlar) funktsiyalarini belgilaydi, biz shuningdek ularni himoya qilish va zarur boʻlgan holatlarda qayta tiklash uchun maxsus amaliyotlarni ishlab chiqdik.

Agar noqonuniy kirish holatlari yuz bersa, ularni aniqlash va oʻrganish maqsadida biz kerakli xavfsizlik choralarini ishlab chiqqanmiz va ular bizni xavfsizlikka tahdid boʻlayotgan holatlar haqida ogohlantiradi. Har bir xavfsizlikni buzish holatini alohida oʻrganishga barcha imkoniyatlarimizni safarbar qilamiz.

Kompaniya unga ochilgan yoki u tomonidan toʻplangan shaxsiy maʼlumotlar yoki axborotlarning xavfsizligiga kafolat berolmaydi.

MAXFIYLIK SIYOSATI VA MAʼLUMOTLARNI HIMOYA QILISH BOʻYICHA BAYONOT

Biz sizning tarmoqdagi maxfiyligingizni himoya qilishga qatʼiy niyat bildiramiz va siz tomondan taqdim etilgan shaxsiy maʼlumotlarni himoya qilish uchun tegishli choralarni koʻramiz. Biz bundan buyon ham sizdan qabul qilib olingan maʼlumotlardan foydalanish boʻyicha qilgan bayonotimizni amalga oshirishga darhol barcha choralarni koʻrish majburiyatini olamiz.

Biz amaldagi qonunchilikka asosan, barcha majburiyatlarimizni amalga oshirishda davom etamiz. Oʻz navbatida, siz oʻz maʼlumotlaringizni qayta ishlashimizga rozilik berasiz.

Ushbu maxfiylik siyosati biror tomonga nisbatan hech qanday oʻzaro shartnomaviy yoki boshqa yuridik huquqlar yuzaga kelishini nazarda tutmaydi.

Bizga yordam berish maqsadida, siz vaqti-vaqti bilan biz soʻragan yoki kerakli xizmatlarni, axborotlarni yoki soʻralgan amaliyotlarni sizga taqdim etishda foydalanishimiz mumkin boʻlgan kerakli maʼlumotlarni taqdim etasiz, buning uchun siz bilan bogʻlanishimiz va ushbu xizmatlar yoki shu kabi faoliyat borasida sizni xabardor qilishimiz mumkin.

Biz sizdan olgan maʼlumotlarimizni guruhimizga kiruvchi kompaniyalar, shuningdek, hamkorlarimizga taqdim etish huquqiga egamiz. Siz bizga uchinchi tomonlarga shaxsiy maʼlumotlaringizni taqdim etishga nisbatan noroziligingiz haqida xabar berishingiz mumkin.

Xizmat yoki veb-saytdan foydalanish uchun sizdan registratsiya maʼlumotlari talab qilinishi mumkin. Biz ushbu maʼlumotni saqlab qoʻyamiz, agar bu ishni qilmaslikni iltimos qilmagan boʻlsangiz, undan siz bilan bogʻlanishda, veb-sayt va xizmatlar sifatini yaxshilash maqsadida xizmatlar haqida maʼlumotlar taqdim etishda foydalanamiz.

Maʼlumotlar uchinchi tomonlarga sizga veb-saytning cheklangan qismlariga kirish imkonini yaratish, shuningdek talab qilingan maʼlumotlarni pochta orqali olishingiz yoki maʼlum xizmatlardan foydalanish imkoniyatiga ega boʻlishingiz uchun taqdim etiladi.

Biz sizning maʼlumotlarni saqlash hamda kuzatish uchun kuki-fayllardan foydalanishimiz mumkin. Bu bizga banner reklamasi samaradorligi mezonini oʻrnatish imkonini beradi va veb-sayt faolligini aniq tahlil qilishni taʼminlaydi. Kuki-fayllar bu veb-serverdan sizning brauzeringizga yuboriladigan va kompyuteringizda saqlanadigan kichik fayllardir.

Biz sizning shaxsiy maʼlumotlaringizni himoya qilish boʻyicha choralar koʻrish uchun bor imkoniyatlarimizdan foydalanamiz. Ammo, internet tarmogʻining oʻziga xos tabiatini inobatga olib siz tomondan onlayn tarzda ochilayotgan har qanday shaxsiy maʼlumotlarni himoya qilinishiga kafolat berolmaymiz. Oʻz navbatida, siz tomondan taqdim etilayotgan maʼlumotlar himoyasini mustahkamlash uchun gohi-gohida axborotlarni shifrlash texnologiyasidan foydalanamiz. Har qanday holatda ham, siz internet orqali maʼlumotlarni ochish xavfsizligi bilan uzviy bogʻlangan oqibatlarni qabul qilasiz va biz xavfsizlik buzilgan holatlar uchun javobgar emasligimizga rozilik bildirasiz, bizning eʼtiborsizligimiz yoki atayin qonunchilikda belgilangan majburiyatlarimiz buzilgan holatlar bundan mustasno.

Agar siz bizdagi maʼlumotlaringiz xato ekanidan xavotirda boʻlsangiz, ularni toʻgʻrilashimiz uchun biz bilan bogʻlanishni soʻraymiz. Maxfiylik siyosatini hamda maʼlumotlarni himoya qilish boʻyicha maʼlumotni istalgan vaqtda veb-saytimizda ularning yangilangan koʻrinishini joylashtirgan holda oʻzgartirish huquqini saqlab qolamiz.

Foydalanish shartlari

ZoodMall SAVDO SHARTLARI

Ushbu standart sotuv shartlari ("Sotish shartlari") elektron hujjat shaklidagi elektron shartnoma hisoblanadi. Ushbu sotuv shartlari uchun mahalliy qonunchilikdan tashqari jismoniy, elektron yoki raqamli imzo talab etilmaydi.

Ushbu sotuv shartlari sotuvchi oʻz mahsulotlarini veb-sayt orqali taklif etganda va xaridor ushbu taklifni qabul qilib veb-saytda taklif etilgan mahsulotni sotib olishga rozi boʻlganda xaridor va sotuvchi oʻrtasidagi yuridik majburiy hujjat hisoblanadi. Ushbu sotuv shartlari sotuvchining mahsulotini veb-saytda reklama, namoyish va taklif qilishiga nisbatan amal qiladi va majburiy hisoblanadi, shuningdek, ular sotuvchi tomonidan taklif etilgan mahsulotlarni xarid qilishga rozilik bildirgan xaridor uchun ham amal qiladi va majburiy hisoblanadi.

Ushbu Sotuv shartlariga asosan, www.ZoodMall.com manzilida joylashgan ZoodMall Veb-saytida va ZoodMall mobil ilovasidagi (birgalikda "Veb-sayt" deb yuritiladi) Sotuvchidan turli Mahsulotlarni (quyida keltirilgan taʼrifga koʻra) xarid qiluvchi Foydalanuvchi (mehmon yoki roʻyxatdan oʻtgan foydalanuvchi boʻlishidan qatʼiy nazar) "Xaridor" deb yuritiladi, Sotuvchi esa Veb-sayt orqali Xaridorga turli mahsulotlarni eʼlon qiluvchi, reklama qiluvchi, namoyish qiluvchi, sotishga taklif etuvchi, taʼminlovchi, bozorda ilgari suruvchi, amalga oshiruvchi va yetkazib beruvchi jismoniy yoki yuridik shaxs hisoblanadi (keyingi oʻrinlardi "Sotuvchi" deb yuritiladi). Ushbu Sotuv shartlari, jumladan, sotish/xarid shartlari, Xaridor tomonidan sotish taklifini qabul qilish va Sotuvchidan Veb-sayt orqali mahsulotlar va xizmatlarini taʼriflaydi. Ushbu Sotuv shartlari shuningdek vaziyatdan kelib chiqqan holda Xaridor va Sotuvchi uchun majburiy boʻlgan ZoodMall ning ayrim arizalari va javobgarlikdan voz kechish holatlarini oʻz ichiga oladi. Ayrim holatlarda Xaridor va Sotuvchi birgalikda tegishli grammatik shaklda va oʻxshash iboralar yordamida "Siz" deb ataladilar.

Sizdan har qanday mahsulotni taklif qilish yoki har qanday mahsulotni sotib olishdan oldin ahamiyat bilan ushbu sotuv shartlari bilan tanishishni iltimos qilamiz. Ushbu sotuv shartlari turli shartnomalar, shartlar, maʼlumotlarga kirish siyosati, veb-saytdan foydalanish shartlari va boshqa qoidalarga qoʻshimcha hisoblanadi. Sotuvchi mahsulotni veb-saytga joylayotganda taklif etganda yoki taʼriflaganda qoʻshimcha yoki bir-biriga zid shartlar qoʻshishi mumkin (“qoʻshimcha sotuv shartlari”). Agar ushbu sotuv shartlari bilan qoʻshimcha sotuv shartlari oʻrtasida zidlik yuzaga kelsa, qoʻshimcha sotuv shartlari ushbu zid qism va aniq bir bitimga nisbatan hal qiluvchi kuchga ega boʻladi. Agar sotuvchi ushbu sotuv shartlariga rozi boʻlmasa, veb-saytda hech qanday mahsulotlarni joylamasligini va taklif etmasligini soʻraymiz, shuningdek, xaridor ushbu qoʻshimcha sotuv shartlariga rozi boʻlmasa, ushbu veb-saytda joylangan hech qanday mahsulotlarni xarid qilmaslikni va bunga urinmaslikni soʻraymiz.

Ushbu Sotuv shartlari istalgan vaqtda qayta koʻrib chiqilishi mumkin va shu sababli ham Sotuvchilar, ham Xaridorlar biror Mahsulotni xarid qilishdan yoki sotishdan oldin ushbu Sotuv shartlarini vaqti-vaqti bilan diqqatli tarzda oʻqishlari talab etiladi. Yangilangan Sotuv shartlari Veb-saytga joylashtiriladi.

Biz shuningdek sizdan Sotuv shartlaridagi eng soʻnggi oʻzgarishlardan xabardor boʻlish uchun doimiy tarzda Veb-saytga kirib turishingizni iltimos qilamiz. Sotuv shartlaridagi yangi kiritilgan oʻzgarishlardan boxabar boʻlish uchun oʻzingiz javobgar boʻlasiz. Undan tashqari, Xaridorlar oʻz navbatida Sotuvchining sotilayotgan Mahsulotlar uchun Sotuv shartlarini aniqlashtirishingiz lozim. Ehtimol, sizga har qanday qoʻshimchalarga nisbatan rozilik berishingiz talab etilishi mumkin va bu jarayon aniq bir tartibda, siz Veb-saytdan va tegishli xizmatlardan foydalanishingizdan oldin amalga oshiriladi. Agar alohida rozilik talab etilmasa, ushbu oʻzgarishlar kiritilgandan soʻng Veb-saytdan keyingi foydalanishingiz ushbu oʻzgarishlarga rozilik bildirishingizni anglatadi.

  1. Mahsulotni taklif etish va qabul etish

    1. Sotuvchi ushbu bilan Veb-saytda sanab oʻtilgan Mahsulotlarni sotishga taklif kiritadi va Xaridor esa Sotuvchi tomonidan sanab oʻtilgan Mahsulotlarni xarid qilishga rozilik bildirsa Sotuvchining sotish taklifini qabul qiladi. Mos ravishda, Mahsulotni sotish boʻyicha shartnoma Xaridor va Sotuvchi oʻrtasidagi ikkitomonlama shartnoma hisoblanadi. ZoodMall ushbu ikkitomonlama shartnoma boʻyicha uchinchi manfaatdor tomon hisoblanmaydi. Xaridor Sotuvchi tomonidan Mahsulotni sotish taklifi mutlaq va shartlarsiz taklif emas ekanini tushunadi va rozi boʻladi. Sotuvchining shu kabi sotish taklifi Mahsulotni Xaridorga yetkazib berilishidan oldin istalgan vaqtda Sotuvchi tomonidan bekor qilinishi mumkin va bunda Sotuvchi Xaridorga ushbu bekor qilish uchun hech qanday sabab keltirishiga majbur emas, Xaridorning roziligi ham talab etilmaydi hamda Xaridor oldida hech qanday koʻrinishda javobgar boʻlmaydi. Sotuvchi va Xaridor shuni anglab rozilik bildiradilarki, ZoodMall quyidagilar sabab har qanday sotuv uchun toʻlovni, eʼlonlarni yoki mahsulot qabul qilinishini bekor qilish huquqiga ega (i) Sotuvchi shartnomasi, ushbu Sotuv shartlari, Veb-saytdan foydalanish shartlari, Maxfiylik siyosati yoki bir tomondan ZoodMall, ikkinchi tomondan Sotuvchi yoki Xaridor oʻrtasidagi har qanday shartnoma yoki siyosatga asosan har qanday sababga koʻra, yoki (ii) har qanday qonuniy, kvazi-sud yoki oddiy sud organining qaroriga asosan.
  2. Mahsulot(lar)

    1. ZoodMall shuningdek barcha tomonlarning intellektual mulk huquqlarini hurmat qiladi. Agar siz sizning intellektual mulkka boʻlgan huquqlaringiz biror koʻrinishda poymol boʻldi deb hisoblasangiz Intellektual mulk huquqlarining buzilganligi toʻgʻrisida xabarnoma ('IMH buzilganligi toʻgʻrisida xabarnoma') yuboring. Bizga tegishli tarzda rasmiylashtirilgan IMH buzilganligi toʻgʻrisida xabarnomani elektron pochta orqali yuboring.
    2. Mahsulotning sotish boʻyicha taklif doirasida mavjduligi Xaridor Mahsulotni xarid qilguniga qadar oldindan ogohlantirmasdan oʻzgartirilishi mumkin. Ammo, ayrim holatlarda Mahsulot Xaridorga xarid uchun toʻlovni amalga oshirganligidan soʻng yetkazilmasligi mumkin. Bunday holatda Sotuvchi ushbu xarid uchun qilingan toʻlovni Xaridorni ogohlantirmasdan hamda Sotuvchi yoki ZoodMall oldida hech qanday majburiyat hosil qilinmasdan oʻzi bekor qilishi yoki ZoodMall dan bekor qilishni soʻrashi mumkin. Agar Xaridorning buyurtmasi shu tarzda bekor qilingan boʻlsa, toʻlangan summa Xaridorga qaytariladi/ushbu holatlar uchun Xaridor tomonidan koʻrsatilgan bank hisobiga oʻtkazib beriladi, yoki toʻlov amalga oshirilgan Xaridorning toʻlov vositasiga yoki Xaridorning har qanday pre-paid toʻlov vositasiga toʻlab beriladi. ZoodMall toʻlovni qaytarish uchun yuqoridagi variantlar ichidan oʻzi istaganini tanlash huquqiga ega.
    3. Sotuvchi tomonidan Mahsulotni Xaridorga sotilishi masalasida Sotuvchi ushbu boʻyicha Xaridorga quyidagilar borasida bayonot va kafolat beradi:
      1. Sotuvchi Mahsulotlarni Xaridorga Veb-saytda yoki uning yordamida sotish huquqiga ega;
      2. Xaridor Mahsulotga boʻlgan egalik huquqidan bemalol foydalanishi mumkin;
      3. Mahsulotlar uchinchi shaxslar foydasiga har qanday yigʻimlar yoki majburiy toʻlovlardan holidir;
      4. Xaridor Mahsulotning ishlab chiqaruvchisi yoki sotuvchisi tomonidan taqdim etiladigan barcha kafolatlarni olish huquqiga ega boʻladi
      5. Mahsulot Veb-saytda keltirilgan taʼrif va xarakteristikalarga mos boʻladi.
      6. Barcha Mahsulotlar uchun Sotuvchining kafolati xarid qilingan vaqtdan boshlab kamida 90 kun davomida amal qiladi.
  3. Narxlar haqida maʼlumotlar

    1. Mahsulotning sotilish narxi Mahsulot Xaridor tomonidan xarid qilinishidan oldin oldindan ogohlantirmasdan oʻzgartirilishi mumkin. Mahsulotning Veb-saytdagi sotilish narxi "Boricha" (AS IS) tamoyiliga asosan belgilanadi. Texnik sabablarga koʻra, Veb-saytda sotilish narxi aks ettirilganda xato yuz berishi mumkin va ZoodMall ularni istalgan vaqtda toʻgʻrilashi mumkin. Shu kabi xato sotilish narxida taklif etilgan Mahsulotni Xaridor tomonidan qabul qilinishi ZoodMall tomonidan yaroqsiz deb topilishi hamda ushbu bitim ZoodMall va/yoki Sotuvchi tomonidan bekor qilinishi mumkin.
    2. ZoodMall For Stores dagi barcha narxlar, agar boshqasi nazarda tutilgan boʻlmasa, yetkazib berish va soliqlarni oʻz ichiga olgan.
  4. Mahsulotni yetkazib berish

    1. Mahsulot ZoodMall tomonidan tanlangan logistik xizmatlar taʼminotchisi tomonidan yetkaziladi. Mahsulotlarga yoʻlda yoki yetkazib berilish vaqtida yoki tranzit davomida zarar yetishi, yoʻqotilishi yoki sifatining buzilishi xatarini Xaridor emas Sotuvchi oʻz boʻyniga oladi. Sotuvchi yuborilayotgan Mahsulotlar nuqsonlardan holi ekanini hamda Sotuvchi tomonidan Veb-saytda taqdim etilib reklama qilinayotgan mahsulotlarning aynan oʻzi ekanini hamda Veb-saytda keltirilgan taʼrif va xarakteristikalarga mos ekanini bildiradi va kafolat beradi.
    2. Logistik xizmatlar taʼminotchisi yoki Sotuvchi tomonidan xizmat koʻrsatilmaydigan ayrim hudular/manzillar mavjud boʻlishi mumkin. Shu kabi holatlarda Sotuvchi logistik xizmatlar taʼminotchisi yoki Sotuvchi Mahsulotni yetkazib berishi uchun muqobil manzilini taklif etishi mumkin. Mahsulot joʻnatilgandan soʻng Xaridor yetkazib berish manzilini oʻzgartirishi mumkin emas.
    3. Shuni inobatga olish lozimki, aniq joʻnatilish vaqti boʻyicha kafolat berilmaydi va joʻnatilish vaqti haqidagi har qanday axborot taxminiy hisoblanadi va unga ishonish mumkin emas. Shundan kelib chiqqan holda vaqt Veb-sayt yoki ilova orqali Mahsulot oldi-sottisi boʻyicha ikkitomonlama shartnomanining muhim sharti hisoblanmaydi. Ammo Mahsulot Xaridorga toki u Mahsulot uchun toʻlovni amalga oshirmaguniga qadar joʻnatilmaydi.
    4. Xaridor koʻrsatilgan manzil boʻyicha Mahsulotlarni qabul qilib olishi shart. Agar Xaridor unutsa yoki uning buyurtmasiga asosan yetkazib berilgan Mahsulotlarni olishdan bosh tortsa, Xaridor Sotuvchi oldida yetkazib berilgan Mahsulotni olmaganlik uchun javobgar boʻlishi mumkin va keyinchalik ZoodMall oldida ZoodMall yoki uchinchi shaxslar Sotuvchidan agar Mahsulot yetkazilganda yoki bitim amalga oshganda olishi kerak boʻlgan toʻlovlar yoki pul summalari uchun javobgar boʻlishi mumkin. Xaridor shu kabi zararlar yoki ZoodMall yoki uchinchi shaxslarga yetkazilgan zararlar bilvosita emasligini tan oladi.
    5. Egalik huquqi va boshqa huquqlar, jumladan, Mahsulotlarga boʻlgan mol huquqi Mahsulot yetkazib berilganidan va toʻlov toʻliq amalga oshirilganidan soʻng Sotuvchidan Xaridorga oʻtadi. Yetkazib berilganidan soʻng Mahsulotlar Xaridor tomonidan qabul qilingan deb hisoblanadi. Mahsulot yetkazib berilganidan soʻng kutilmagan yoʻqotish xatari Xaridorga oʻtadi.
    6. Tasdiqlangan qabul: Xaridor Mahsulotni yetkazib berish uchun ajratilgan vaqtning eng uzoq muddati ichida olmagan taqdirda, Xaridor shu kabi maksimal yetkazib berish sanasi oʻtgandan soʻng uch kun ichida ZoodMall bilan bogʻlanishi lozim. ZoodMall Mahsulotni topish va yetkazib berish uchun bor imkoniyatlarni ishga soladi. Agar ZoodMall Xaridordan maksimal yetkazib berish sanasi oʻtgandan boshlab uch kun ichida hech qanday xabar olmasa Mahsulot Xaridor tomonidan qabul qilingan deb hisoblanadi.
  5. Mahsulotlarni qaytarish shartlari

    1. Toʻlovni qaytarish yoki Mahsulotlarni almashtirish borasidagi Xaridorlarning barcha arizalari ZoodMall ning qaytarish shartlari asosida koʻrib chiqiladi. Ammo Mahsulotlarning yetkazib berilishi va sifati boʻyicha nooʻrin yoki asossiz shikoyatlar qilinsa, Xaridor toʻlovni qaytarish yoki Mahsulotni almashtirish talabini qoʻyishga haqqi boʻlmaydi.
    2. Har qanday Mahsulotni qabul qilishdan oldin Xaridor Mahsulot qadogʻining butunligini yoki zarar yetmaganligini tekshirishi lozim.
    3. Mahsulotni qaytarish jarayoni Mahsulot turi va toifasiga qarab qoʻshimcha shartlar bilan boshqarilishi mumkin. Har qanday qoʻshimcha shartlar Veb-saytda yoki Sotuvchi tomonidan Mahsulot sotilayotgan paytda koʻrsatilishi mumkin.
    4. Agar Mahsulotni qaytarish ZoodMall tomonidan tegishli ravishda maʼqullangan boʻlsa, Mahsulot sotib olinayotganda Xaridor toʻlagan Mahsulot narxi Xaridorning shu kabi holatlar uchun koʻrsatilgan bank hisobiga qaytariladi yoki toʻlov amalga oshirilgan toʻlov vositasining oʻzidan foydalangan holda qaytariladi yoki Xaridorning boshqa toʻlov vositasiga yuboriladi. Mablagʻlarni qaytarish uslubi faqatgina ZoodMall ning istagiga koʻra aniqlanadi.
    5. Agar ZoodMall Sotuvchi nomidan mahsulotlarni almashtirib bersa yoki ularning narxini Xaridorga qoplab bersa, past sifatli Mahsulotlar yoki ularning unsurlari Xaridorning mulkiga aylanadi.
  6. Bitimlar/buyurtmalarni bekor qilish

    1. Sotuvchi tomonidan bekor qilinishi: Shunday ehtimol mavjudki, ayrim buyurtmalarni Sotuvchi qabul qilolmasligi yoki ularni mustaqil bekor qilolmasligi yoki ushbu buyurtmani bekor qilish haqida ZoodMall ga xabar berolmasligi mumkin. Sotuvchi har qanday buyurtmani har qanday sababga va oʻz xohishiga koʻra bekor qilishi mumkin va shunday qilish huquqini saqlab qoladi. Xaridor buyurtmasining bekor qilinishiga olib kelishi mumkin ayrim holatlarga cheklanmagan koʻrinishda quyidagilar kirishi mumkin: Mahsulotning sotuvda yoʻqligi yoki Xaridor buyurtmasida koʻrsatilgan miqdorda boʻlmasligi yoki narxlarda xatolik yuz berishi. Sotuvchi shuningdek har qanday buyurtmani amalga oshirishdan oldin qoʻshimcha maʼlumotlar yoki axborotlarni talab qilishi mumkin. Har qanday holatda ham buyurtmani bekor qilish Xaridorni ogohlantirmasdan amalga oshirilishi mumkin va bunda ZoodMall ga nisbatan hech qanday javobgarlik yuzaga kelmaydi. Agar Xaridorning buyurtmasi toʻlov amalga oshirilgandan soʻng bekor qilingan boʻlsa, koʻrsatilgan summa shu kabi holatlar uchun koʻrsatilgan bank hisobiga qaytariladi yoki toʻlov amalga oshirilgan toʻlov vositasining oʻzidan foydalangan holda qaytariladi yoki Xaridorning boshqa toʻlov vositasiga yuboriladi. Mablagʻlarni qaytarish uslubi faqatgina ZoodMall ning istagiga koʻra aniqlanadi. Agar Mahsulotni xarid qilishda ZoodMall tomonidan taqdim etilgan promokoddan foydalanilgan boʻlsa, buyurtma bekor qilingan taqdirda promokod summasi qaytarilmaydi.
    2. Xaridor tomonidan bekor qilinishi: buyurtmani bekor qilish arizasini qabul qilgan Sotuvchi, har qanday sabab boʻlmasin, buyurtmani bekor qilishga rozi boʻlish yoki bosh tortish huquqini oʻzida saqlab qoladi. Agar tadbirkorlik faoliyatini amalga oshirayotgan paytda Sotuvchi buyurtmani bekor qilish arizasini olsa va buyurtma hali joʻnatilmagan boʻlsa, u holda Sotuvchi buyurtmani bekor qilishi va oʻrtacha vaqt ichida Xaridorga butun toʻlangan summani qaytarishi mumkin. Buyurtma kiritilgan vaqtdan boshlab 8 soat oʻtganidan soʻng, Xaridor Sotuvchi tomonidan qayta ishlangan buyurtmani bekor qilishga haqqi yoʻq. Xaridor Sotuvchining ushbu qarori borasida tortishmaslikka va uning buyurtmani bekor qilish borasidagi har qanday qaroriga rozilik berishga rozilik bildiradi.
    3. ZoodMall tomonidan bekor qilinishi: ZoodMall har qanday vaziyatda sabab nima boʻlishidan qatʼiy nazar buyurtmalarni bekor qilish huquqini saqlab qoladi. Agar buyurtma amalga oshirilgandan soʻng 3 kun ichida toʻlov amalga oshirilmasa, bu holatda ham buyurtma ZoodMall tomonidan bekor qilinishi mumkin.
    4. Xaridor tomonidan olingan foydalar kompensatsiyasi: agar Xaridor ZoodMall tomonidan Mahsulot uchun amalga oshirilgan marketing yoki reklama kampaniyalari doirasida kelib chiqqan biror foydadan foydalangan boʻlsa va bu buyurtma Xaridor yoki Sotuvchi tomonidan bekor qilingan boʻlsa, u holda Xaridor quyidagiga rozilik bildiradi va ZoodMall ga ushbu foydalarning narxini Xaridordan olishni yoki Xaridorga har qanday kompensatsiya koʻrinishida qayta hisob-kitobni amalga oshirishni ZoodMall ga topshiradi.
  7. Qoʻllaniladigan qonunchilik

    1. Ushbu Sotuv shartlari Shveytsariya qonunlari asosida kollizion qonunchilik tamoyillariga murojaat qilmasdan boshqariladi. Ushbu hujjat, Veb-sayt, ushbu Foydalanish shartlari, Shartnomalar yoki Veb-sayt yordamida tuzilgan har qanday bitimlar boʻyicha yoki nisbatan yuzaga keladigan barcha shikoyatlar, kelishmovchiliklar va tortishuvlar yoki siz va ZoodMall oʻrtasidagi munosabatlar faqat Shveytsariya Savdo palatalari Arbitraj instituti tomonidan tayinlangan yagona arbitr tomonidan oʻtkaziladigan arbitraj mahkamasiga yuboriladi. Arbitraj mahkamasi oʻtkaziladigan joy Shveytsariyaning Jeneva shahridir. Arbitraj mahkamasi jarayoni Shveytsariya Savdo palatalari Arbitraj institutining 2012 yilgi Shveytsariya Xalqaro arbitraj reglamentiga asosan oʻtkaziladi. Arbitrning qarori yakuniy boʻlib tortishuv tomonlari uchun majburiy boʻladi.
    2. Siz ushbu Sotuv shartlari faqat sizga taalluqli ekanini tan olasiz. Ularning shartlari sizning merosxoʻrlaringiz va ruxsat etilgan qonuniy vorislaringizdan boshqa hech kimga taalluqli emasdir.
  8. Xabarlar ayriboshlash

    Sizda biror savollar yoki shikoyatlar paydo boʻlsa, ZoodMall mijozlarni qoʻllab-quvvatlash xizmati bilan bogʻlanishni soʻraymiz.
  9. ZoodMall tomonidan javobgarlikdan voz kechish

    1. ZoodMall savdo onlayn-maydonchasi koʻrinishidagi vositachi hisoblanadi va uning vakolati sotuvchilarga mahsulotlarini namoyish etish, reklama qilish, taqdim etish va taklif etish imkoniyatini berish, shuningdek xaridorlarga shu tarzda taklif etilgan mahsulotlarni xarid qilish, shuningdek sotuvchilar va xaridorlar orasida bitimlar tuzishni osonlashtirish uchun veb-saytni boshqarish bilan cheklanadi. Demakki, har qanday mahsulotni sotish boʻyicha shartnoma sotuvchi va xaridor oʻrtasidagi ikkitomonlama shartnoma boʻlishi lozim. ZoodMall hech qanday holatda ham shu kabi shartnomalar uchun hech qanday javobgarlikni va masʼuliyatni boʻyniga olmaydi, undan tashqari ZoodMall mahsulotga nisbatan hech qanday huquqqa ega boʻlmaydi. Mahsulotlarga egalik huquqi, mahsulotlarga nisbatan boshqa huquqlar sotuvchidan xaridorga bevosita oʻtkaziladi.
    2. ZoodMall sotuvchilar tomonidan veb-sayt, ilova yoki veb-sayt havolalari koʻrsatilgan saytlar orqali taklif etilayotgan har qanday mahsulotni (jumladan, mahsulotlar kataloglari) nazorat qilmaydi, reklama qilmaydi va javobgarlikni boʻyniga olmaydi. ZoodMall sotuvchi yoki uchinchi shaxslar, ularning mahsulotlari, jumladan mahsulot sifati, mahsulot yoki xizmatning maʼlum bir maqsadga mos kelishi, shuningdek uchinchi shaxslar tomonidan intellektual mulkka boʻlgan huquqlarning buzilishi boʻyicha bayonot va kafolatlar bermaydi yoki javobgarlikni boʻyniga olmaydi. Xaridor va shu kabi uchinchi shaxslar bilan tuziladigan har qanday bitimlar xaridorning xatarlarni boʻyniga olishi bilan tuziladi. Mahsulotlar sotuvchining kafolat, xizmat va texnik xizmat koʻrsatish masalasidagi shartlar yordamida boshqariladi hamda ZoodMall hech qanday javobgarlikni boʻyniga olmaydi. Undan tashqari, ZoodMall xaridor tomonidan mahsulotlarning foydalanganligi uchun javobgar boʻlmaydi.
    3. ZoodMall xaridor tomonidan sotuvchidan xarid qilgan har qanday noqonuniy, kontrafakt, yasama, koʻchirilgan, qoʻlbola, buzuq yoki noqonuniy tarzda yaratilgan, taʼmirlangan, muddati oʻtgan mahsulotlarga nisbatan javobgarligini ochiq shaklda oʻzidan soqit qiladi. Undan tashqari, ZoodMall xaridor tomonidan xarid qilingan yoki olingan mahsulot buyurtmada koʻrsatilgan sifatlarga mos kelmaganligi uchun hech qanday javobgarlikni boʻyniga olmasligini alohida urgʻulaydi.
    4. ZoodMall hech qanday shaklda Sotuvchining Xaridorga Mahsulotni sotish taklifi yoki sotishi, mahsulotlarning yetkazib berilishi, Mahsulot bilan bogʻliq kafolat shartlari (mavjud boʻlgan taqdirda), shuningdek Mahsulotni qaytarib berilishi, toʻlov qaytarilishi yoki Mahsulotlar xaridini bekor qilinishi uchun javobgarlikni boʻyniga olmaydi.
    5. ZoodMall Mahsulot Sotuvchisi tomonidan koʻrsatilgan sotilish narxining aniqligi, toʻgʻri kelishi va amalda ekaniga kafolat bermaydi. Sotilish narxidagi har qanday xato ZoodMall emas, faqatgina Sotuvchining javobgarligi hisoblanadi. Mahsulot narxi, taʼrifi va uning sotuvda mavjudligi Sotuvchining javobgarligi hisoblanadi.
    6. Xaridor buzuq Mahsulotni sotayotgan Sotuvchi ushbu buzuq Mahsulot sababli Xaridorda yuzaga kelishi mumkin boʻlgan har qanday shikoyatlar uchun Xaridor oldida javobgar ekanini hamda ushbu uchun ZoodMall hech qanday javobgarlikni boʻyniga olmasligini ochiq tan oladi.
    7. ZoodMall Mahsulotning sotuvda mavjud emasligi, mahsulotning bevosita Sotuvchi tomonidan yetkazib berilishi va talab etilganda Mahsulotni oʻrnatish uchun javobgarlikni boʻyniga olmaydi.

ZoodMall - FOYDALANISH SHARTLARI

Ushbu foydalanish shartlari ("Foydalanish shartlari") elektron shartnoma koʻrinishidagi elektron hujjat hisoblanadi. Ushbu foydalanish shartlari jismoniy, elektron yoki raqamli imzo boʻlishini talab etmaydi.

Ushbu Foydalanish shartlari foydalanuvchi va ZoodMall oʻrtasidagi yuridik majburiyat yuklovchi hujjat hisoblanadi (har bir tomon boʻyicha shartlar quyida keltirilgan). Ushbu Foydalanish shartlari siz tomondan (bevosita yoki bilvosita elektron shaklda yoki elektron hujjat yordamida) tasdiqlangandan soʻng kuchga kiradi va foydalanuvchi va ZoodMall oʻrtasidagi ushbu Veb-saytdan foydalanish borasidagi munosabatlarni (keyingi oʻrinda keltirilgan taʼrifga koʻra) boshqaradi.

Ushbu www.ZoodMall.com manzilida joylashgan veb-sayt va ZoodMall nomli ZoodMall ning oʻz uslubida yaratilgan mobil ilovadan Foydalanish shartlari (birgalikda "Veb-sayt" deb nomlanadi) ZoodMall (keyingi oʻrinlarda "Biz", "Bizni" yoki "Bizning" deb nomlanadi) va veb-saytga tashrif buyuruvchilar yoki roʻyxatdan oʻtgan foydalanuvchilari (keyingi oʻrinlarda "Siz", "Sizning", "Sizning istagingizga koʻra" yoki "Foydalanuvchi" deb nomlanadi) oʻrtasidagi munosabatlarni ifoda etadi, shuningdek, ZoodMall tomonidan Veb-saytdan yoki ikkinchi darajali yoki yordamchi koʻrinishidagi boshqa xizmatlardan ("Xizmatlar") foydalanish ruxsatini beruvchi shartlarni ifodalaydi.

Ushbu shartlar bilan veb-saytdan foydalanish yoki unda roʻyxatdan oʻtishdan yoki veb-sayt yordamida biror material, axborot yoki xizmatlardan foydalanishdan oldin yaxshilab tanishib olishni soʻraymiz. Agar ushbu shartlardan norozi boʻlsangiz ushbu veb-saytdan foydalanmaslikni soʻraymiz.

Agar ZoodMall mobil ilovasidan yoki ZoodMall mobil ilovasi orqali Xizmatlardan foydalanayotgan boʻlsangiz, ushbu Foydalanish shartlarini keyingi safar qoʻllaganingizda qoʻshima shartlar yuzaga kelishi mumkin (jumladan, Apple ning iTunes , Google ning Play Store, Microsoft Store kabi mobil ilovalar doʻkonlari tomonidan ilgari surilayotgan shartlar) va ular ham ushbu mobil ilovadan foydalanishni boshqarishi mumkin. Ushbu qoʻshimcha shartlar, qoʻllanilish doirasida ushbu hujjat tomonidan ushbu Foydalanish shartlariga iqtibos koʻrinishida kiritilgan deb hisoblanadi.

  1. UMUMIY SHARTLAR

    1. ZoodMall savdo onlayn-maydonchasi koʻrinishidagi vositachi hisoblanadi va uning vakolati sotuvchilarga mahsulotlarini namoyish etish, reklama qilish, taqdim etish va taklif etish imkoniyatini berish, shuningdek xaridorlarga shu tarzda taklif etilgan mahsulotlarni ("Mahsulotlar") xarid qilish va ular bilan bogʻliq boshqa yordamchi xizmatlardan ("Xizmatlar") foydalanish, jumladan har qanday Foydalanuvchining Veb-saytdan foydalanishini taʼminlash uchun Veb-saytni boshqarish bilan cheklanadi.
    2. Ushbu Foydalanish shartlari istalgan vaqtda ZoodMall tomonidan qayta koʻrib chiqilishi mumkin va shu sababli Foydalanuvchilardan vaqti-vaqti bilan Veb-saytdan foydalanishdan oldin Foydalanish shartlari bilan tanishib chiqishlarini soʻraymiz. Qayta koʻrib chiqilgan Foydalanish shartlari Veb-saytda joylashtiriladi. Undan tashqari, biz sizdan Veb-saytdan Foydalanish shartlarining eng soʻnggi koʻrinishidan boxabar boʻlishingiz uchun doimiy ravishda Veb-saytga kirib turishni soʻraymiz. Ushbu Foydalanish shartlaridagi oʻzgarishlarni gohi-gohida tekshirib turish sizning masʼuliyatingizdir. ZoodMall sizdan Veb-sayt yoki Xizmatlardan foydalanishingizdan oldin alohida kelishilgan holda har qanday qoʻshimchaga rozilik berishingizni talab qilishi mumkin. Agar alohida rozilik talab qilinmasa, qoʻshimchalar kiritilgandan yoki Foydalanish shartlari yangilangandan soʻng Veb-saytdan foydalanishingiz ushbu oʻzgarishlarni qabul qilganingizni anglatadi.
  2. XIZMATLAR

    1. Ushbu Veb-sayt elektron onlayn savdo maydonchasi koʻrinishidagi elektron platforma hamda vositachi boʻlib, u (a) sotuvchi-Foydalanuvchilarga turli mahsulotlarni boshqa xaridor-Foydalanuvchilarga reklama qilish, namoyish qilish va taklif etish uchun platforma bilan taʼminlaydi, (b) boshqa Foydalanuvchilarga mahsulotlarni sotish boʻyicha sotuvchilar tomonidan ushbu Veb-saytda qilingan takliflarni qabul qilish hamda mahsulotlarni xarid qilish maqsadida toʻlovlarni amalga oshirish uchun platforma taqdim etadi, (s) Veb-sayt yordamida xaridorlar va sotuvchilar orasida tijorat faoliyatini olib borishni osonlashtiruvchi xizmatlar bilan taʼminlaydi hamda (d) yuqoridagilarga qoʻshimcha boʻlgan boshqa xizmtlarni taklif etadi. Xizmatlar Foydalanuvchilarga turli mahsulotlar uchun toʻlovlarda foydalanilishi mumkin boʻlgan kuponlar va vaucherlarni taqdim etishni oʻz ichiga olgan turli rejimlar orqali taklif etiladi.
  3. FOYDALANISH HUQUQI

    1. Xizmatlardan foydalanish 18 (oʻn sakkiz) yoshga yetmagan shaxslarga yoki biror sababga koʻra ZoodMall tizimidan akkaunti oʻchirilgan yoki faoliyati toʻxtatilgan har qanday Foydalanuvchilarga taʼqiqlanadi. Agar yuqoridagi sababga koʻra Veb-saytdan foydalanish huquqidan mahrum etilgan boʻlsangiz, u holda sizga Veb-sayt yoki undagi Xizmatlardan foydalanish mumkin emas. Veb-saytdan foydalanish orqali siz bajarilishi majburiy boʻlgan fuqarolik shartnomalarini tuzish uchun huquqiy balogʻat yoshiga yetgan shaxs ekaningizni va mavjud qonunchilikka asosan Xizmatlardan foydalanishi mahrum etilmagan shaxs ekaningizni tasdiqlaysiz. Yuqoridagilarga qaramasdan, siz 18 (oʻn sakkiz) ga toʻlmagan boʻlsangiz, ushbu Foydalanish shartlari bilan ota-onangiz yoki qonuniy vasiylaringiz bilan birga tanishib chiqishingizni soʻraymiz, bu holda ushbu Foydalanish shartlari ZoodMall va sizning qonuniy vasiylaringiz yoki ota-onangiz oʻrtasida tuzilgan, amaldagi qonunchilikka koʻra siz uchun majburiy va yuridik kuchga ega boʻlgan shartnoma sifatida qabul qilinadi.
    2. ZoodMall istalgan vaqtda sababini tushuntirmasdan yangi yoki mavjud Foydalanuvchilarga Veb-saytda taklif etilayotgan xizmatlardan foydalanishni maʼn qilish huquqini oʻzida saqlab qoladi.
    3. Veb-saytda bitta akkauntdan (quyida tushuntirilgan) koʻproq akkaunt yaratish yoki egalik qilish taʼqiqlanadi. Undan tashqari, sizga boshqa shaxslarga akkauntingizni sotish, almashtirish yoki boshqa yoʻllar bilan topshirish taqiqlanadi. ZoodMall bir foydalanuvchi tomonidan bir necha akkauntlardan foydalanishni yoki koʻproq mukofotlarga ega boʻlish maqsadida turli foydalanuvchilarning xaridlari uchun bitta akkauntdan foydalanishni qatʼiyan taʼqiqlaydi. ZoodMall shu kabi akkauntlar tomonidan ishlab topilgan mukofotlarni taqdim etmaydi.
  4. FOYDALANUVCHINING AKKAUNTI

    1. Siz Veb-sayt va Xizmatlardan roʻyxatdan oʻtgan foydalanuvchi yoki mehmon foydalanuvchi sifatida foydalanishingiz mumkin. Ammo, mehmon rejimidagi foydalanuvchilar uchun Veb-sayt hamda Xizmatlarning barcha turlari taqdim etilmaydi.
    2. Roʻyxatdan oʻtgan foydalanuvchilar: ZoodMall sizga Veb-sayt orqali taqdim etiladigan Xizmatlar toʻplamini yaratgan boʻlib, ulardan faqat ZoodMall ga kerakli Foydalanuvchi maʼlumotlarini taqdim etgan va Foydalanuvchi nomi va parol ("Akkaunt") yaratish orqali ZoodMall akkaunti va identifikatorini (ZoodMall ID) yaratgan boʻlsangizgina foydalanishingiz mumkin. Siz shuningdek oʻz akkauntingizni uchinchi tomonlarning veb-sayti orqali, jumladan www.facebook.com, Yahoo Inc yoki uning shoʻʼbalariga qarashli veb-saytlar, Google Inc. yoki uning shoʻʼbalari, Twitter yoki bizning veb-saytda foydalanishga ruxsat etilgan boshqa veb-saytlar yordamida kirishni amalga oshirish orqali ham akkaunt yaratishingiz mumkin (yuqorida keltirib oʻtilgan ZoodMall ID va/yoki begona veb-sayt foydalanuvchisining nomiga, birgalikda yoki alohida shaklda "Akkaunt haqida maʼlumot" deyiladi).

      Agar siz Veb-saytda keltirilgan Xizmatlardan foydalanish maqsadida Akkaunt yaratish orqali Foydalanuvchi sifatida roʻyxatdan oʻtgan boʻlsangiz, ushbu Akkauntga bogʻliq maxfiylik va maʼlumotlar xavfsizligini taʼminlash boʻyicha javobgarlikni qabul qilasiz va akkauntingizdan foydalanilgan holda amalga oshirilgan barcha harakatlar uchun toʻliq javobgar boʻlasiz. Shu munosabat bilan siz quyidagilarga rozilik bildirasiz: (a) ZoodMall ga sizning Akkauntingizdan noqonuniy foydalanilgan har qanday holat yoki xavfsizlikka tahdid soluvchi har qanday qonunbuzarlik haqida darhol xabar berish, shuningdek (b) har bir sessiyadan soʻng Akkauntingizdan chiqib ketganingizni tekshirish.

      ZoodMall ushbu boʻlim shartlarini bajarmaslik oqibatida kelib chiqqan har qanday zarar yoki yoʻqotishlar uchun hech qanday javobgarlikni boʻyniga olmaydi. ZoodMall yoki Veb-saytning boshqa foydalanuvchisi yoki tashrif buyuruvchisi Akkauntingiz xavfsizligi va maxfiyligini taʼminlash uchun yetarlicha chora koʻrmaganligingiz sababli sizning Akkauntingizdan ruxsatsiz yoki ruxsat bilan foydalanish oqibatida koʻrgan zarar uchun javobgarlik sizning zimmangizga yuklanishi mumkin.

      Siz Akkauntda koʻrsatgan va Veb-saytning roʻyxatga olish shaklida kiritilgan maʼlumotlarning toʻliq, aniq va eskirmagan ekaniga kafolat berasiz. Xizmatlardan foydalanish uchun boshqa foydalanuvchilarning Akkauntidagi maʼlumotlardan foydalanish qatʼiyan taqiqlanadi.

      Agar siz notoʻgʻri, noaniq, eskirgan yoki toʻliqsiz maʼlumotlarni taqdim etgan boʻlsangiz (yoki ular vaqt oʻtib shunday ahvolga kelsa) yoki ZoodMall ushbu maʼlumotlar notoʻgʻri, noaniq, eskirgan yoki toʻliqsiz ekanini gumon qilsa, ZoodMall harakatlarni cheklashi yoki Akkauntingizni oʻchirib Veb-sayt va/yoki Xizmatlardan (toʻliq yoki qisman) foydalanishni taʼqiqlashi mumkin.

    3. Mehmon foydalanuvchilar: Veb-sayt roʻyxatdan oʻtmagan foydalanuvchilarga ("mehmon foydalanuvchilar" deb ham yuritiladi) Xizmatlarni cheklangan darajada taqdim etadi. Bunday foydalanuvchilar Veb-saytni koʻrish va mahsulotlarni sotib olish va buyurtma berish maqsadida Xizmatlardan foydalanish imkoniga ega boʻladilar. Ammo, sizda faqat roʻyxatdan oʻtgan foydalanuvchilarga taqdim etiladigan afzalliklardan foydalanish imkoni boʻlmaydi. Bu kabi afzalliklar vaqti-vaqti bilan almashtirilishi mumkin.
    4. Sotuvchi yoki xaridor, yoki ushbu Veb-sayt yoki Xizmatlardan biror koʻrinishda foydalanishni istagan boshqa foydalanuvchi boʻlishingizdan qatʼiy nazar, biz sizdan maʼlum bir shaxsiy maʼlumotlarni talab qilishimiz mumkin siz esa ZoodMall ga shu kabi shaxsiy maʼlumotlarni taqdim etishga rozilik bildirasiz.
  5. TOʻLOVLAR

    1. Hozirgi vaqtda ZoodMall Veb-saytga tashrif buyurish yoki Veb-sayt yordamida xaridlarni amalga oshirganlik uchun toʻlov undirmaydi. ZoodMall Veb-sayt va Xizmatlardan toʻliq yoki Veb-sayt/Xizmatlarning maʼlum funktsiyalaridan foydalanganlik uchun toʻlov undirish huquqini oʻzida qoldiradi. Siz oʻzingiz foydalanayotgan Xizmatlar uchun toʻlovlarni amalga oshirishga rozilik berasiz. ZoodMall sizni Veb-sayt/Xizmatlardan foydalanganlik uchun toʻlanadigan har qanday summalar, shuningdek, Veb-sayt/Xizmatlardan foydalanganingiz uchun siz toʻlaydigan summalar haqida xabardor qiladi. Siz, ZoodMall Veb-saytdan foydalanganlik uchun istalgan vaqtda toʻlov undirishi, toʻlovni oʻzgartirishi yoki undan voz kechishi mumkinligiga rozilik bildirasiz. Veb-sayt/Xizmatlardan toʻlovlar bilan bogʻliq shu kabi oʻzgarishlardan soʻng ham foydalanish sizning ushbu oʻzgarishlarga va ushbu oʻzgarishlarga nisbatan Foydalanish shartlari qoʻllanilishiga roziligingizdan darak beradi.
    2. Siz Veb-sayt Xizmatlaridan foydalanish imkoniyatiga ega boʻlish uchun toʻgʻri va aniq moliyaviy maʼlumotlarni, jumladan, vakolatli toʻlov shlyuziga kredit/debet kartasi maʼlumotlarini yoki avans shaklidagi toʻlov vositasi haqida batafsil maʼlumotlarni taqdim etishga rozisiz. Sizga qonunan tegishli boʻlmagan kredit/debet kartasidan yoki avans shaklidagi toʻlov vositasi maʼlumotlaridan foydalanmaysiz, yaʼni har qanday tranzaktsiyani amalga oshirish uchun siz faqat oʻz kredit/debet kartasi yoki avans shaklidagi toʻlov vositasidan foydalanishingiz kerak. Siz taqdim etgan maʼlumotlar uchinchi tomonlarga taqdim etilmaydi, ammo firibgarlik yuz bergan holatlarda yoki qonunchilik talablariga koʻra, rasmiy buyruq yoki sud qarori, yoki Axborotlardan foydalanish qonun-qoidalari shartlariga asosan taqdim etilgan holatlar bundan mustasno. Siz oʻz kredit/debet kartangiz yoki avans shaklidagi toʻlov vositasi maʼlumotlarining xavfsizligi va maxfiyligi haqida yagona javobgar hisoblanasiz. ZoodMall sizning kredit/debet kartangiz yoki avans shaklidagi moliyaviy toʻlov vositasidan noqonuniy foydalanilishi yuz berishi mumkin boʻlgan har qanday holatlardan oʻz javobgarligini rad etadi.
    3. ZoodMall bitta tranzaktsiya davomida toʻlashingiz (agar xaridor boʻlsangiz) yoki qabul qilib olishingiz (agar sotuvchi boʻlsangiz) mumkin boʻlgan summalar cheklovi borasida bank tashkilotlari bilan kelishuvlarga ega boʻlishi mumkin. ZoodMall sizga qoʻllanilishi mumkin boʻlgan shu kabi cheklovlar boʻyicha sizni xabardor qilishga intiladi. Ammo, ZoodMall siz yoki karta egasi ZoodMall va amaliyotlarni amalga oshiruvchi bank oʻrtasida vaqti-vaqti bilan kelishiluvchi belgilangan cheklovdan oshganligingiz sababli biror bir toʻlov amalga oshirilishi bekor qilinishi oqibatida bevosita yoki bilvosita yuzaga kelishi mumkin boʻlgan zarar yoki yoʻqotishlar uchun har qanday javobgalikdan ozod etiladi.
    4. Ushbu shartnomadan tashqari, Veb-sayt yordamida mahsulotlar xarid qilish imkoniga ega boʻlishingiz uchun, bankingiz, tegishli moliyaviy tashkilot va/yoki bank kartalarini chiqaruvchi assotsiatsiya shartlari qoʻllanilishi mumkin. Bankingiz, tegishli moliyaviy tashkilot va/yoki bank kartalarini chiqaruvchi assotsiatsiya Veb-saytda mahsulotlar xarid qilish uchun elektron toʻlovlarni amalga oshirishni rad etishi yoki man etishi mumkin va ZoodMall buni nazorat qilmaydi hamda buning uchun javobgar boʻlmaydi.
    5. Buyurtmalar uchun toʻlov vositalari: ZoodMall gohi-gohida uchinchi tomonlarning toʻlov tizimi operatorlarini jalb qilishi mumkin, jumladan, amaldagi qonunchilikka asosan tegishli amaliyotlarni amalga oshirish uchun bank hisoblarini ochishda zarur hamda Foydalanuvchilar, yaʼni xaridorlar va sotuvchilar orasida toʻlovlarni amalga oshirishni osonlashtirish uchun, ZoodMall foydasiga toʻlovlarni va boshqa oʻtkazmalarni yigʻish uchun banklar. Uchinchi tomonlarning toʻlov tizimi operatorlari taqdim etayotgan xizmatlar roʻyxatiga bank xizmatlari, kredit kartasi orqali toʻlovlari uchun shlyuzlar, toʻlov agregatorlari, avans toʻlovi shaklidagi vositalar, xizmatlarni yetkazib beruvchi, mobil toʻlov tizimi operatorlari foydasiga toʻlanadigan yetkazib berish yoki harajat uchun toʻlovlar yoki yigʻish, qaytarish yohud pul oʻtkazish uchun ehtimoliy toʻlov yoki uni amalga oshirishning har qanday usulidan kelib chiqib ruxsat etilgan har qanday vositalar. ZoodMall Veb-saytda qilgan buyurtmalaringiz uchun toʻlangan mablagʻlaringizni oʻz hisobiga oʻtkazishni mahsulotlarni sizga yuborgandan soʻng amalga oshiradi. Tranzaktsiyani amalga oshirish yakunlangan sana sifatida mahsulotlar sizga yetkazilgan sana hisoblanadi, qoʻshimcha sanalar esa ZoodMall va sotuvchilar orasida kelishilishi mumkin.
  6. MAJBURIYATLAR

    1. Ushbu shartnomaga koʻra, ZoodMall Veb-sayt va uning yordamida koʻrsatiluvchi xizmatlarga noeksklyuziv, sublitsenziya qilinmaydigan, boshqalarga oʻtkazilmaydigan, qaytib olinuvchi va cheklangan kirish va foydalanish huquqlarini taqdim etadi.
    2. Siz ushbu hujjatda belgilangan Xizmatlar, Veb-sayt va Kontentdan (quyida taʼrifi keltirilgan) faqat quyidagilar bilan ruxsat etilgan maqsadlarda foydalanishga rozilik bildirasiz: (a) shartnoma(-lar) (jumladan, ushbu Foydalanish shartlari); va (b) har qanday amaldagi qonunlar.
    3. Siz Veb-sayt yordamida qoʻlga kiritilgan har qanday materiallarni (masalan, mahsulotlar katalogi) tarqatish, foydalanish va nusxa olish boʻyicha barcha cheklovlarga amal qilishga rozilik bildirasiz.
    4. Siz ZoodMall tomonidan taqdim etilgan interfeyslardan farqli boʻlgan vositalar yordamida Veb-sayt yoki Xizmatlarga kirmaslikka (kirishga urinmaslikka) rozilik berasiz. Siz chuqur havolalar, robotlar, "oʻrgimchaklar" (veb-sayt yoki kontentning biror qismiga kirish, olish, nusxa olish yoki kuzatish uchun veb tizimida global qidiruv dasturlari va boshqa avtomatik qurilmalar, dasturlar, algoritmlar yoki uslublar yoki shunga oʻxshash qoʻlda bajariladigan jarayonlardan (quyida keltirilganidek) foydalanmaysiz yoki biror uslub bilan Veb-saytning navigatsion tizimi yoki unsurlarni namoyish etish uslubidan nusxa olish yoki aldov bilan aylanib oʻtishga intilmaysiz, Veb-sayt yordamida foydalanishga moʻljallanmagan har qanday vositalar yordamida materiallar, hujjatlar yoki maʼlumotlarni olmaysiz yoki olishga urinmaysiz.
    5. Agar, sizning fikringizga koʻra har qanday Kontent yoki Foydalanuvchi kontenti (quyida keltirilganidek) yoki Veb-saytdagi boshqa har qanday kontent Shartnoma shartlari yoki amaldagi qonunchilikka zid boʻlsa, siz shu kabi kontent haqida bizga xabar berishingiz mumkin.
    6. Veb-sayt sizga maʼlum kontentdagi axborot, maʼlumotlarni chop etish, masalan, mahsulotlar va sotuvchini baholash, Veb-saytning maʼlum sahifalaridagi mahsulotlar haqida oʻz fikr-mulohazalaringizni chop etish, shuningdek, Veb-sayt/Xizmatlar yordamida ZoodMall ga istaklaringiz, mulohazalaringiz, savollar va boshqa maʼlumotlarni yuborish imkonini berishi mumkin (bu kabi maʼlumotlar birgalikda "Foydalanuvchi kontenti" deb ataladi). Shuni qayd etish lozimki, siz Foydalanuvchi kontenti manbaasi sifatida Veb-saytga yuklayotgan, chop etayotgan, yuborayotgan yoki boshqa yoʻllar orqali veb-saytga kiritayotgan kontent uchun javobgar hisoblanasiz. Siz har qanday Foydalanuvchi kontentini chop etish uchun barcha rozilik va ruxsatnomalarni olganligingizga kafolat berasiz. Siz shuningdek Foydalanuvchi kontentngiz amaldagi qonunchilik talablariga zid emasligiga kafolat berasiz. Siz ZoodMall Veb-saytdagi Foydalanuvchilar kontentini nazorat qilmasligini, unga javobgar va masʼul emasligini tan olasiz. ZoodMall veb-saytdagi Foydalanuvchi kontentiga kirishni cheklash huquqini oʻzida saqlab qoladi.
    7. Siz ushbu bilan ZoodMall ga Foydalanuvchi kontentidan foydalanish, nusxa olish, tarqatish, namoyish etish, chop etish, berish, taqdim etish, koʻpaytirish, oʻzgartirish, moslashtirish uchun hamda Foydalanuvchi kontenti asosida ishlarni yaratish boʻyicha vaqti cheklanmagan, qaytarib olinmaydigan, butun dunyoda amal qiluvchi, bepul va sublitsenzion huquq va litsenziyani taqdim etasiz. Siz oʻzingiz chop etayotgan Foydalanuvchi kontentiga nisbatan sizning yoki boshqa nazorat yoki siz Veb-saytda yoki uning yordamida taqdim etayotgan kontent Veb-saytda chop etilgan yoki taqdim etilgan sanada quyidagi shartlarga javob berishi haqida bayonot va kafolat berasiz: (i) Foydalanuvchi kontenti aniq; (ii) siz taqdim etayotgan Foydalanuvchi kontentidan foydalanish ushbu Foydalanish shartlarini buzmaydi; va (iii) ushbu Foydalanuvchi kontenti qonuniydir.
    8. Siz Veb-sayt elektron savdo onlayn-maydonchasi koʻrinishidagi elektron platforma hamda turli Foydalanuvchilarning savdo faoliyati va bitimlar tuzish maqsadida uchrashuvi va oʻzaro aloqa qilishlari uchun virtual muhit yaratuvchi vositachi ekaniga rozilik bildirasiz, tushunasi va tan olasiz. Siz shuningdek, ZoodMall shunchaki vositachi ekaniga hamda bitim tomoni emasligiga yoki Veb-saytdagi mahsulotlarni sotish yoki xarid qilish boʻyicha mahsulotlar yoki bitimlarni reklama qilish, namoyish etish, taqdim etish, taklif etishni nazorat qila olmasligiga rozilik bildirasiz va tan olasiz. ZoodMall mahsulotlar sotuvchisi hisoblanmaydi. Shunday qilib, Veb-saytda mahsulotlar oldi-sottisi boʻyicha har qanday shartnoma boʻlib siz va sotuvchilar (agar xaridor boʻlsangiz) yoki siz va xaridorlar (agar sotuvchi boʻlsangiz) oʻrtasidagi ikki tomonlama tuzilgan shartnoma hisoblanadi. ZoodMall Veb-saytdagi mahsulotlarni xarid qilish yoki sotish boʻyicha hech qanday tavsiyalar bermaydi, ZoodMall hech qanday mahsulotlarni reklama qilmaydi va hech qanday kafolatlar bermaydi, oʻz boʻyniga veb-saytdagi mahsulotlar oldi-sottisi boʻyicha reklama, namoyishlar, takliflar yoki bitimlar borasida kafolatlar yoki ishonchnomalar boʻyicha javobgarlikni olmaydi. Undan tashqari, ZoodMall har qanday Veb-sayt foydalanuvchisining harakatlari borasida hech qanday kafolat va ishonchnomalar taqdim etmaydi, jumladan, har qanday foydalanuvchi (xaridor yoki sotuvchi boʻlishidan qatʼiy nazar) biror tranzaktsiya, bitimni amalga oshirishi yoki oʻzini talab qilinganidek tutishi borasida kafolat bermaydi.
    9. Veb-sayt va/yoki Xizmatlardan foydalanish jarayonida siz quyidagi koʻrinishdagi maʼlumotlar yoki Kontentni joylashtirmaysiz, namoyish etmaysiz, yuklamaysiz, oʻzgartirmaysiz, chop etmaysiz, yubormaysiz, yangilamaysiz yoki almashmaysiz:
      • boshqa shaxslarga tegishli boʻlib, unga nisbatan Foydalanuvchi hech qanday huquqqa ega boʻlmagan Kontent;
      • haddan ziyod zararli boʻlsa, xavotir uygʻotsa, haqoratli boʻlsa, inson shaʼnini yerga ursa, behayo, pornografik boʻlsa, pedofiliya alomatlariga ega boʻlsa, tuhmatdan iborat boʻlsa, shaxsiy hayot dahlsizligiga rahna solsa, nafrat yoki irqchilikni targʻib qilsa, milliy nafrat urugʻini sochsa, kamsituvchi boʻlsa, pul yuvish yoki qimor oʻyinlarini targʻib qilsa yoki boshqa yoʻllar bilan qonunga zid boʻlsa;
      • har qanday koʻrinishda voyaga yetmaganlarga zarar yetkazsa;
      • boshqa jismoniy yoki yuridik shaxs qiyofatiga kirish imkonini bersa yoki maʼlum bir jismoniy yoki yuridik shaxsga tegishli ekaningiz haqidagi maʼlumot haqida yolgʻon maʼlumot bersa yoki buzsa;
      • davlat birligi, yaxlitligi, mudofaasi, xavfsizligiga, horijiy mamlakatlar bilan doʻstona aloqalarga yoki jamoat tartibiga rahna solsa yoki sudga tortiladigan jinoyat yuzaga kelishiga sabab boʻlsa, biror jinoyat boʻyicha surishtiruviga halal bersa yoki boshqa millatlar vakillariga nisbatan haqoratli boʻlsa,
      • har qanday intellektual egalik huquqlari, savdo belgisiga boʻlgan huquqlar, mualliflik huquqlari yoki boshqa mulkiy huquqlarni buzsa,
      • dasturiy viruslar yoki ishlarni buzishga, biror kompyuter resurslarini yoʻq qilish yoki cheklashga qaratilgan dasturiy kodlar, fayllar yoki dasturlar mavjud boʻlsa,
      • shu kabi xabarlar manbaasiga nisbatan qabul qilib olgan shaxsni aldasa yoki adashtirsa yoki oʻz tabiatiga koʻra nihoyatda haqoratli yoki tahdidli axborotlarni yetkazsa,
      • Veb-sayt yoki Xizmatlardan (yoki Veb-sayt bilan bogʻlangan server va tarmoqlardan) foydalanishga halal beruvchi yoki toʻsuvchi biror faoliyatga jalb qilsa;
      • Veb-saytning biror qismi yoki funktsiyasiga, ZoodMall ning biror serveriga yoki Veb-saytda yoki uning yordamida taklif qilingan Xizmatlardan birortasini buzish, parolni oʻgʻrilash yoki boshqa noqonuniy vositalar yordamida noqonuniy kirishga moʻljallangan boʻlsa;
      • Veb-saytdagi yoki Veb-sayt bilan bogʻlangan biror tarmoqdagi kamchilikni tekshirsa, skanerlasa yoki sinovdan oʻtkazsa, xavfsizlikni yoki Veb-sayt yoki Veb-sayt bilan bogʻliq boshqa tarmoqdagi avtorizatsiya jarayonini buzsa. Siz biror foydalanuvchi, Veb-saytga tashrif buyuruvchi yoki ZoodMall ning boshqa mijoziga nisbatan biror axborotlar nusxasini olishga, taʼqib qilishga yoki kuzatishga haqqingiz yoʻq, jumladan, sizga tegishli boʻlmagan har qanday ZoodMall akkaunti, uning manbaasidan yoki Veb-saytdan yoki Xizmatdan yoki Veb-sayt tomonidan yoki uning yordamida har qanday yoʻl bilan taqdim etilgan maʼlumotlardan, maqsadingiz maʼlumot, jumladan, identifikatsiya maʼlumotlarini toʻplash yoki toʻplamaslik boʻlishidan qatʼiy nazar foydalanishga haqqingiz yoʻq, ammo maʼlumot Veb-sayt tomonidan koʻzda tutilgan shartlar asosida sizga tegishli boʻlgan holatlar bundan mustasno,
      • xavfsizlikni buzsa yoki unga taʼsir oʻtkazsa yoki biror yoʻl bilan Veb-saytga, Veb-sayt yoki boshqa bogʻliq saytlar bilan bogʻlangan yoki u orqali taqdim etiluvchi tizim resurslariga, akkauntlarga, parollarga, serverlar yoki tarmoqlarga zarar yetkazsa;
      • Veb-sayt yoki Kontentdan qonunga zid yoki Shartnoma bilan maʼn etilgan har qanday maqsadda foydalansa, biror noqonuniy yoki ZoodMall yoki uchinchi shaxslar huquqlarini buzuvchi boshqa faoliyatga undasa;
      • muallifni aniqlashga imkon beruvchi maʼlumotlarni, egalik huquqi yoki kelib chiqish manbaasi yoki dasturiy taʼminot manbaasi yoki joylashtirilgan fayldagi boshqa materiallar boʻyicha yuridik yoki boshqa xabarnomalar yoki belgilarni qalbakilashtirsa yoki oʻchirsa,
      • biror xulq kodeksini yoki muayyan bir xizmatga nisbatan qoʻllanilishi mumkin boʻlgan boshqa boshqaruvchi tamoyillarni buzsa;
      • har qanday qoʻllaniluvchi yoki amaldagi qonunlar va qoidalarni buzsa;
      • Shartnoma shartlarini buzsa.
    10. Siz ZoodMall yoki biror uchinchi tomon oldida oʻz Foydalanish shartlariga asosan mavjud boʻlgan majburiyatlaringizni buzganlik va buning natijasida kelib chiquvchi har qanday oqibatlar (jumladan, ZoodMall yoki uning shoʻʼba korxonalari yoki taʼminotchilariga yetkazilgan zarar va yoʻqotishlar) uchun faqat oʻzingiz javobgar ekaningizga rozilik berasiz.
    11. ZoodMall Foydalanuvchilar kontentini oldindan tekshirmaydi. ZoodMall Foydalanuvchi kontentini tekshirishga majbur emas. Ammo, ZoodMall, oʻz xohishiga koʻra va/yoki amaldagi qonunchilikka koʻra agar biror Foydalanuvchi kontenti ushbu Foydalanish shartlari yoki amaldagi qonunchilikni buzmoqda deb hisoblasa, shu kabi Foydalanuvchi kontentini kuzatishi yoki uni Veb-saytdan oʻchirib tashlashi mumkin. Shu kabi holatlarda, ZoodMall biror Foydalanuvchi kontentini Veb-saytdan oʻchirganda, ZoodMall shu kabi Kontentni chop etgan foydalanuvchini bu haqda xabardor qilish uchun bor kuchini soladi. Bu kabi harakatlar ZoodMall ni vositachi sifatidagi oʻrniga taʼsir etmaydi yoki kuchsizlantirmaydi yoki ZoodMall ga Foydalanuvchi kontenti bilan bogʻliq hech qanday javobgarlik yuklamaydi.
    12. Siz Veb-saytga kirishda, foydalanishda va bitimlar tuzishda foydalanadigan kompyuter/mobil qurilmalar, internet ulanishlar, dasturiy taʼminot va texnologiyalarning ish holatida boʻlishini taʼminlash uchun faqat oʻzingiz javobgar boʻlasiz. Siz internetdan foydalanganlik uchun yoki xaridni amalga oshirish va/yoki Xizmatlardan foydalanishda uchinchi shaxslar xizmatlari uchun harajatlar qilishingiz mumkin. Shu kabi harajatlarni siz oʻzingiz toʻlashingiz kerakligiga eʼtibor qaratish lozim.
    13. Veb-saytdan foydalanish paytida, Veb-sayt orqali olingan har qanday vaucher/kuponlar faqat shaxsiy, notijoriy maqsadlarda ishlatiladi va boshqa shaxslarga qayta pullanmaydi.
    14. Xizmatlar, mahsulotlar yoki Veb-saytdan foydalanishda davom etish uchun biz yoki uchinchi tomonlar tomonidan chiqariluvchi va oʻz ichiga xatolarni yoʻqotish, patchlar, kengaytirilgan funktsiyalar, yetishmayotgan plaginlar va yangi versiyalarni oluvchi yangilanishlarni (birgalikda "Yangilanishlar" deb nomlanadi) oʻrnatishingiz lozim. Mahsulotlar yoki Veb-saytdan foydalanishingiz yangilanishlarni avtomatik tarzda olishga roziligingizni talab qiladi.
    15. Veb-saytdan xarid qilingan har qanday mahsulot foydalanuvchi tomonidan shaxsiy maqsadlarda foydalanish uchun moʻljallangan. Foydalanuvchi, ushbu bilan ochiq shaklda foydalanuvchi tomonidan xarid qilingan har qanday mahsulot yoki Xizmatlar tijoriy maqsadlarda yoki foyda olish uchun sotilmaydi, qayta sotilmaydi, barter vositasida almashtirilmaydi yoki boshqa koʻrinishlarda foydalanilmaydi deya rozilik bildiradi. Foydalanuvchi ushbu bilan xarid qilingan Mahsulotlar hech qanday uchinchi tomonga foyda koʻrish maqsadida sotilmaydi deb tan oladi. Shu tariqa, ZoodMall oʻz tamoyillariga asosan "Yirik buyurtma" sifatida tasniflangan har qanday buyurtmalarni bekor qilish huquqini oʻzida saqlab qoladi. ZoodMall tomonidan taqdim etiladigan va siz tomondan ishlatiladigan har qanday mukofotlar yoki foydalar "Yirik buyurtma" berishga asos boʻlib xizmat qilmaydi. Agar buyurtma ZoodMall tomonidan aniqlash maqsadlarida qabul qilingan tamoyillarga, jumladan, cheklanmagan holda quyidagilarga javob bersa, u holda "Yirik buyurtma" sifatida koʻriladi:
      • Mahsulotlar shaxsiy foydalanish uchun emas, tijoriy qayta sotish uchun buyurtma qilingan;
      • Bitta manzilga bitta mahsulot turining koʻplab buyurtma qilinishi;
      • Bir turdagi mahsulotning yirik partiyasi buyurtmasi;
      • Buyurtma haqidagi maʼlumotlarda notoʻgʻri manzil koʻrsatilgan; yoki
      • Buyurtmani amalga oshirishda noqonuniy harakatlarga yoʻl qoʻyilgan.
    16. Shunday holat koʻzda tutilganki, ZoodMall qayta ishlashi imkoni boʻlmagan buyurtmalar yoki xaridorning buyurtmasini sotuvchiga berolmagan holatda ushbu buyurtmalar bekor qilinishi lozim. ZoodMall buyurtmani qayta ishlolmasligi yoki xaridorning buyurtmasini sotuvchiga berolmasligi bilan bogʻliq holatlar oʻz ichiga Xizmatlar, Veb-saytning ishlamasligi, favqulodda holatlar, moliyaviy cheklovlar yoki firibgarlikda gumonlanishni oladi.
    17. Xaridor bitta bitim ichida katta miqdorda Mahsulotlar sotib olsa, Sotuvchi ushbu mahsulotlarning barchasini bittada yuborishi mumkin. Lekin buning har doim ham imkoni boʻlmasligi mumkin. Agar xaridor bitta bitim ichida katta miqdorda mahsulotlar sotib olsa, unda barcha Mahsulotlar xaridor tomonidan xarid paytida koʻrsatgan bitta manzilga yuboriladi. Agar xaridor Mahsulotlarni turli manzillarga joʻnatilishini istasa, u holda xaridor Mahsulotlarni turli bitimlar orqali xarid qilib turli manzillarni koʻrsatishi lozim. Xaridor Mahsulotlar siz koʻrsatgan manzilda yashovchi shaxsga joʻnatilishiga rozilik bildiradi.
    18. Ayrim holatlarda, xaridorga Mahsulot uchun kafolat, keyingi xizmat koʻrsatish yoki montaj qilish kabi ayrim xizmatlar talab etilsa, xaridor bevosita sotuvchi yoki ishlab chiqaruvchi bilan bogʻlanishi lozim. Ammo, xaridor ushbu masalada ZoodMall bilan bogʻlansa, ZoodMall sotuvchini xaridorga shu kabi xizmat taqdim etilishi kerakligi haqida xabardor qilishi mumkin. ZoodMall shu kabi qoʻshimcha xizmatlar taqdim qilish boʻyicha hech qanday javobgarlikni oʻz boʻyniga olmaydi. ZoodMall ning ushbu xizmatlarni qulaylashtirishdagi funktsiyasi xaridor va sotuvchi oʻrtasida ushbu qoʻshimcha xizmatlar bilan taʼminlash maqsadida maʼlumotlar almashinuviga koʻmak berish bilan cheklanadi.
  7. KONTENT

    1. Agar qoʻllaniluvchi Qoʻshimcha xizmatlar taqdim etish shartlarida aniq tarzda buning tersi nazarda tutilgan boʻlmasa, ZoodMall ushbu hujjat bilan sizga quyidagi shartlar ostida Veb-saytga joylangan mahsulotlar kataloglarini koʻrish, yuklash va chop etish boʻyicha eksklyuziv boʻlmagan, qaytarib olinuvchi va boshqalarga topshirilishi mumkin boʻlmagan huquqlarni taqdim etadi:
      • Siz Veb-saytda taqdim etilgan mahsulotlar kataloglarini boshqa shaxslarga tarqatish yoki sotish, arendaga berish, undan foydalanish huquqini berish yoki boshqa yoʻllar bilan taqdim etishga haqqingiz yoʻq;
      • Sizga Veb-saytda joylangan mahsulotlar katalogidagi har qanday matn, mualliflik huquqi haqidagi xabarnoma yoki egalik huquqi koʻrsatilgan joylarni oʻchirishga ruxsat etilmaydi.
      • Sizga yuqorida nomi keltirilgan mahsulotlar katalogi yoki boshqa materiallar boʻyicha taqdim etilgan huquqlar Veb-sayt dizayni, maketi yoki tashqi koʻrinishiga nisbatan qoʻllanilmaydi. Ushbu Veb-sayt unsurlari intellektual muklni himoya qilish boʻyicha qonunlar bilan himoya qilingan hamda ularning butunlay yoki qisman koʻchirilishi yoki nusxasi yaratilishi taʼqiqlanadi.
      • Veb-saytdagi har qanday dasturiy taʼminot ZoodMall yoki uning hamkorlarining mulki hisoblanadi. Siz Shartnomada ochiq shaklda ruxsat berilgan boʻlmasa yoki ZoodMall tomonidan yozma ruxsat berilgan boʻlmasa Veb-saytdagi hech qanday dasturiy taʼminotdan foydalanish, yuklash yoki oʻrnatishga haqqingiz yoʻq.
    2. Siz Veb-saytda joylangan mahsulotlar katalogidan faqat shaxsiy maqsadlarda, maʼluot olish uchun va Foydalanish shartlarida taʼriflangan shartlar asosida foydalanishingiz mumkin;
    3. Siz Veb-saytdagi mahsulotlar kataloglarini oʻzgartirish yoki tahrirlashga haqqingiz yoʻq;
  8. INTELLEKTUAL MULK HUQUQLARI

    1. Veb-sayt va uning funktsiyalari, ularning tanlovi va tartibi, jumladan va quyidagi cheklovlarsiz: Veb-saytdagi matnli kontent, grafik bezatish, foydalanuvchi interfeysi, vizual interfeys, ovozli va musiqiy joʻrlik (mavjud boʻlsa), suratlar va kompyuter kodi (birgalikda “Kontent” deb nomlanadi) ZoodMall mulki hisoblanib u va uning litsenziarlari tomonidan boshqariladi. Kontent dizayni, tuzilishi, termasi, oʻzaro bogʻlanishi, tashqi koʻrinishi va tizimlanishini mualliflik huquqlari haqidagi qonunlar, sanoat mulkiini himoya qilish va boshqa turdagi qonunchilik bilan himoyalangan boʻlib, ularning barchasi mualliflik huquqini himoya qiladi. Sizning Veb-saytdan foydalanishingiz natijasida sizga Kontentga nisbatan hech qanday huquqlar taqdim etilmaydi. ZoodMall oʻzida Kontentga oʻz xohishiga koʻra gohi-gohida oʻzgartirishlar kiritish huquqini saqlab qoladi.
    2. Veb-saytda aks ettirilgan savdo belgilari, logotiplar va xizmat belgilari ("Belgilar") “ZoodMall” yoki uning taʼminotchilari/sotuvchilari yoki uchinchi tomonlarning mulki hisoblanadi. Sizga “ZoodMall”ning, Belgilarga egalik qilishi mumkin boʻlgan uchinchi tomonlarning avvaldan bergan roziligisiz Belgilardan foydalanishga ruxsat berilmaydi.
    3. Boshqa narsa koʻrsatilmagan boʻlsa yoki saytda biror shartdagi maʼlumotlar buning tersini anglatmasa yoki saytda uchinchi tomonga tegishli material mavjud boʻlsa va bu aniq shaklda belgilangan boʻlsa, ZoodMall ZoodMall va Veb-saytga boʻlgan barcha intellektual mulk huquqiga ega boʻlib, unga jumladan hech qanday cheklovlarsiz barcha va har qanday huquqlar, barcha egalik boʻyicha mualliflik huquqlari, taalluqli huquqlar, patentlar, foydali modellar, dizaynlar, "nou-xau", tijoriy sirni tashkil etuvchi axborotlar va ixtirolar (jumladan, patent berish masalasi koʻrib chiqilayotganlari), kompaniyaning biznes shaʼni, boshlangʻich kod, meta-teglar, maʼlumotlar bazasi, matn, kontent, rasmlar, kichik belgilar va giperhavolalar kiradi.
    4. Ushbu hujjatda ochiq shaklda nazarda tutilgan holatlardan mustasno shaklda siz har qanday Kontentni hech qanday koʻrinishda ZoodMall yoki shu kabi Kontentga egalik qiluvchi uchinchi tomonning roziligini olmasdan nusxa olmaslik, qayta chop etmaslik, chop etmaslik, namoyish etmaslik, tarjima qilmaslik, yubormaslik, ijro etmaslik yoki tarqatmaslikka rozilik berasiz va buni tan olasiz.
  9. UCHINCHI SHAXSLARGA TEGISHLI KONTENT

    1. Veb-saytda shuningdek uchinchi tomonlarning quyidagi maʼlumotlari taqdim etilgan: mahsulotlar katalogi, mahsulot taʼrifi va uning tafsilotlari, dilerlar roʻyxati, yangiliklar, koʻngilochar tadbirlar, texnologiyalar va funktsiyalar, reklama, jumladan mahsulotlar video va fotosuratlari haqidagi xabarlar, uchinchi shaxslarning veb-saytlariga havolalar va tashqi manbaalardan olingan boshqa maʼlumotlar (“Uchinchi shaxslar kontenti”). Uchinchi shaxslar Kontenti faqat axborot berish maqsadida taqdim etiladi. Siz uchinchi shaxslarning Kontenti ishonchli deb hisoblanuvchi manbaalardan yoki sotuvchilar tomonidan veb-saytda reklama qilish yoki oʻz mahsulotlarini Veb-saytda sotish jarayonida taqdim etilganini tan olasiz. Uchinchi shaxslarning butun Kontenti "boricha" (AS IS) tamoyiliga asosan taqdim etiladi. Ehtimol, ZoodMall uchinchi shaxslarga tegishli shu kabi Kontentga egalik qilmasligi yoki uchinchi shaxslarga tegishli Kontent boʻyicha aniqlik, egalik huquqi, tijoriy yaroqliligi, qonunbuzarliklardan holi ekanligi yoki talablarga javob berishi borasida hech qanday kafolat bermasligi mumkin. Siz uchinchi shaxslarning Kontentiga ishonch bildirganlik yoki foydalanganligingiz oqibatida biror zarar koʻrgan boʻlsangiz, ZoodMall buning uchun javobgar boʻlmaydi.
    2. Agar uchinchi shaxslarning Kontentida uchinchi shaxslarning veb-saytlariga havolalar mavjud boʻlsa va siz ushbu havolalar orqali oʻsha saytlarga kirsangiz, buni har qanday xatarlarni va javobgarlikni oʻz boʻyningizga olgan holda amalga oshirasiz. ZoodMall veb-saytda va u bilan bogʻliq xizmatlar, undagi axborotlar yoki u yerda taʼriflangan mahsulotlar va xizmatlarga havolalar koʻrsatilgan veb-saytlar borasida hech qanday kafolatlar bermaydi, ularning manfaatlarini namoyon etmaydi yoki qoʻllab-quvvatlamaydi.
  10. JAVOBGARLIKDAN VOZ KECHISH

    1. Ushbu veb-sayt, xizmatlar, kontent, foydalanuvchi kontenti va uchinchi shaxslar kontenti ZoodMall tomonidan "Boricha" (as is) tamoyili boʻyicha, hech qanday kafolatlarsiz, oshkora, nazarda tutilgan, qonunda belgilangan yoki boshqa kafolatlarsiz, jumladan, nazarda tutilgan egalik huquqi kafolatlari, huquqlar butunligi, mahsulotlar yaroqliligi yoki biror maqsad uchun yaroqlilik boʻyicha kafolatlarsiz taqdim etiladi. Yuqoridagilar bilan cheklanmagan holda, ZoodMall quyidagilar boʻyicha hech qanday kafolatlar bermaydi: (i) veb-sayt yoki xizmatlar sizning talablaringizga mos boʻlishi, yoki sizning veb-sayt yoki xizmatlardan foydalanishingiz uzluksiz, oʻz vaqtida, xavfsiz yoki xatosiz boʻlishi; (ii) veb-sayt yoki xizmatlardan foydalanishda olinadigan natijalar samarali, aniq va ishonchli boʻlishi; (iii) veb-sayt yoki xizmatlar sifati sizning istaklaringizga mos kelishi; yoki (iv) veb-saytdagi yoki xizmat koʻrsatish paytidagi har qanday xatolar yoki kamchiliklar toʻgʻrilanishi. Ogʻzaki yoki yozma boʻlishidan qatʼiy nazar siz xizmatlardan foydalanish chogʻida ZoodMall dan, veb-sayt/kontent-hamkor orqali olgan hech qanday tavsiyalar yoki axborotlar ushbu foydalanish shartlarida bevosita koʻrsatilmagan hech qanday kafolatlar yaratmaydi.
    2. Amaldagi qonunchilikda ruxsat etilgan darajada, ZoodMall intellektual mulk huquqi, tuhmat, shaxsiy hayot daxlsizligi, axborotlarning ommaviyligi, nomaqbul kontent bilan kurashish yoki boshqalar toʻgʻrisidagi qonunlar borasida yuzaga keluvchi foydalanuvchi va/yoki uchinchi shaxslar kontenti bilan bogʻliq har qanday javobgarlikni boʻynidan soqit qiladi. Undan tashqari, ZoodMall har qanday foydalanuvchi va/yoki uchinchi shaxslar kontentidan noqonuniy foydalanish, yoʻqotish, oʻzgartirish yoki foydalanish imkoniyatining yoʻqligi borasidagi har qanday javobgarlikni boʻynidan soqit qiladi.
    3. Siz shuni aniq tushunasiz va rozilik bildirasizki, ZoodMall, amaldagi qonunchilikda belgilangan eng yuqori darajada, veb-sayt yoki xizmatlar bilan bogʻlangan akkauntingizdan yoki undagi maʼlumotlardan, siz xabardor yoki xabarsiz boʻlishingizdan qatʼiy nazar, noqonuniy foydalanish oqibatida siz koʻrgan zararlar uchun javobgar boʻlmaydi. ZoodMall veb-saytdagi barcha axborotlar toʻgʻri ekanini taʼminlashga bor kuchidan foydalanib harakat qiladi, ammo ZoodMall mahsulotlar yoki xizmatlarning sifati, aniqligi yoki toʻliqligi borasida kafolatlar bermaydi. ZoodMall veb-sayt yoki u bilan bogʻliq funktsional imkoniyatlarning kechikishi yoki ulardan foydalanolmaslik, funktsional imkoniyatlar yoki veb-sayt orqali olingan yoki veb-saytdan foydalanish oqibatida kelib chiquvchi har qanday axborotlar, dasturiy taʼminotlar, mahsulotlar, funktsional imkoniyatlar va ular bilan bogʻliq suratlarni taqdim etish yoki taqdim etilmasligi yoki veb-saytdan foydalanganlik uchun, bu shartnoma asosida, qonunbuzarlik, eʼtiborsizlik, qatʼiy javobgarlik va boshqalar asosida boʻlishidan qatʼiy nazar, javobgar boʻlmaydi. Undan tashqari, ZoodMall texnika sabablarga yoki ZoodMall ning qoʻlida boʻlmagan sabablarga koʻra amalga oshiriladigan texnik sozlash vaqtida yoki veb-saytga kirishda har qanday rejalashtirilmagan cheklovlar sabab veb-saytga kirish imkoniyati yoʻqligi uchun javobgar boʻlmaydi.

      Foydalanuvchi shuni tushunadi va shunga rozilik bildiradiki, veb-saytdan har qanday materiallarni yuklab olish yoki ularni veb-saytdan boshqa shaklda olish bilan bogʻliq harakatlar oʻz xohishingiz va xataringizga asoslanib bajariladi va siz oʻzingizning kompyuter tizimlaringizga yetkazilgan zarar yoki shu kabi materiallar yoki maʼlumotlarni yuklab olish oqibatida yuz bergan maʼlumotlar yoʻqotilishi uchun faqat oʻzingiz javobgar hisoblanasiz. ZoodMall kupon oʻz kuchini yoʻqotishiga olib kelgan matndagi har qanday tipografik xatolar uchun javobgarlikni oʻz boʻyniga olmaydi. ZoodMall sizga taqdim etilgan maʼlumotlardagi xatolar va kamchiliklar uchun, kompaniya oʻz nomidan yoki uchinchi shaxslar nomidan ish koʻrishidan qatʼiy nazar, javobgar boʻlmaydi.

    4. Agar siz ushbu Veb-saytni, Apple, Inc., Google, Inc. yoki Blackberry Limited (yoki ularga tegishli shoʻba kompaniyalar) (birgalikda "Ilovalar taʼminotchilari" deb yuritiladi) boʻlishidan qatʼiy nazar, biror onlayn doʻkondan xarid qilgan/yuklab olgan boʻlsangiz va Veb-sayt ishida va/yoki Xizmat koʻrsatishda xato yuz bersa, siz, siz va Ilovalar taʼminotchisi oʻrtasidagi shartnoma shartlariga asosan, Ilovalar taʼminotchisi maslahat bergan qadamma-qadam koʻrsatilgan jarayoniga amal qilishingiz mumkin. Ilovalar taʼminotchisi quyidagilar uchun hech qanday javobgarlikka ega emas (I) ZoodMall ning kafolat boʻyicha majburiyatlari va ular bilan bogʻliq shikoyatlar, zararlar, majburiyatlar, yoʻqotishlar, harajatlar; (II) mahsulotlar / isteʼmolchilarni himoya qilish boʻyicha javobgarlik talablari va Veb-saytning amaldagi qonunchilik talablariga mos kelmasligi boʻyicha shikoyatlar; hamda (III) Veb-saytda / ZoodMall da intellektual mulk huquqlari buzilishi boʻyicha uchinchi tomonlarning har qanday talablari.
  11. ZARARLARNI QOPLASH VA JAVOBGARLIKNING CHEKLANISHI

    1. Foydalanuvchi barcha zararlarni qoplashga va ZoodMall, uning shoʻba korxonalari, taʼminotchilari, agentlari va tegishli rahbarlari, xodimlari, pudratchilari va agentlarini (ushbu hujjatda keyingi oʻrinlarda alohida va birgalikda "Javobgarlikdan ozod qilingan tomonlar" deb yuritiladi) barcha zararlar, majburiyatlar, shikoyatlar, daʼvolar, sud jarayonlari, jarimalar, foiz toʻlovlari, zararlar, talablar, harajatlardan (jumladan, qonunchilikda belgilangan yuridik va boshqa turdagi harajatlar, ular bilan bogʻliq toʻlovlar, shuningdek ular keltirib chiqaradigan foiz toʻlovlari) ozod qilishga rozilik bildiradi, agarki shu kabi holatlar quyidagilar sababli javobgarlikdan ozod qilingan tomonlarga qarshi yoki ular tomonidan koʻrilgan boʻlsa: (I) Shartnomaning (shartnomalarning) siz tomondan buzilishi; yoki (II) sizning Veb-saytdan foydalanishingiz sababli uchinchi shaxslar tomonidan qilingan shikoyatlar, yoki (III) uchinchi shaxslarning Kontenti/Kontent, axborotlar yoki materiallar uchinchi shaxslarga zarar yetkazganligi oqibatida qilingan shikoyatlar; yoki (IV) siz tomondan uchinchi shaxslarning huquqlari, jumladan intellektual mulk huquqlari buzilgan holatlar.
    2. ZoodMall sizni ZoodMall ni har qanday javobgarlikdan ozod qilishingiz kerak boʻlgan shikoyatlar boʻyicha xabardor qilishi mumkin. Soʻngra siz shu kabi shikoyatlar boʻyicha muammolarni qanday bartaraf etish harakatlarini ZoodMall bilan maslahatlashishingiz kerak boʻladi. Undan tashqari, ZoodMall tomonidan berilgan yozma roziliksiz shikoyatlar boʻyicha kelishuvga borish yoki uni hal qilish yoki ZoodMall nomidan biror majburiyat yoki qoidabuzarlikni tan olishingiz mumkin emas, ushbu rozilik berilmasligi yoki ZoodMall ning xohishiga koʻra belgilangan shartlar asosida berilishi mumkin.
    3. Shartnoma(-lar)dagi boshqa shartlar mavjudligiga qaramay, ZoodMall ning sizning oldingizdagi toʻliq va umumiy javobgarligi summasi, ushbu Foydalanish shartlari yoki boshqa hujjatlarga asosan 100 (yuz) shveytsar frankidan oshmaydi.
    4. Shartnomaning buning tersini anglatuvchi har qanday shartlariga qaramasdan, ZoodMall, uning shoʻba korxonalari va ularning mansabdor shaxslari, rahbarlari, xodimlari, harmkorlari yoki taʼminotchilari hech qanday holatda har qanday alohida, kutilmagan, bilvosita, jazolovchi yoki jarimali sanktsiyalar, jumladan, maʼlumotlar yoki daromaddan foydalanolmaslik yoki yoʻqotilishi bilan bogʻliq zararlar uchun, bunday holatni oldindan bilish imkoni borligi yoki yoʻqligidan yoki ZoodMall shu kabi zararlardan ogohlantirilganligidan qatʼiy nazar yoki boshqa koʻrinishdagi javobgarlikka, jumladan, shartnoma yoki kafolatlarning buzilishi, eʼtiborsizlik yoki boshqa noqonuniy harakatlar yoki sizning Vveb-sayt, Xizmatlar yoki Kontentdan foydalanishingiz oqibatida kelib chiqadigan talablarga asoslanib javobgar boʻlmaydi.
  12. SHARTNOMANING AMAL QILISH MUDDATI

    1. Shartnoma siz yoki ZoodMall tomonidan bekor qilingunicha, quyida keltirilgan shartlar asosida amal qiladi. Agar siz ZoodMall bilan Shartnomani bekor qilish niyatida boʻlsangiz, bu ishni quyidagicha amalga oshirishingiz mumkin:

      • Veb-saytga kirmaslik; yoki
      • Oʻzingiz foydalanayotgan Akkauntning yopilishi va agar ZoodMall sizga shu kabi imkoniyatni taqdim qilgan taqdirda, barcha Xizmatlarimizdan foydalanishni toʻxtatish.
    2. Siz, ZoodMall agar siz ushbu Foydalanish shartlari yoki Shartnoma(-lar)ning boshqa shartlarini buzganligingizni aniqlasa oʻz xohishiga koʻra va sizni oldindan ogohlantirmasdan sizning Veb-saytga kirishingizni toʻsib qoʻyishi va keyingi kirishingizni ham bloklashi mumkinliga rozilik bildirasiz. Siz shuningdek sizning Shartnoma(-lar)ni buzishingiz ZoodMall ga tiklab boʻlmas zarar keltirishi mumkinligiga rozilik bildirasiz, bunda zararlarni qoplash uchun pul toʻlovining oʻzi yetmasligi mumkin va siz ZoodMall ga ZoodMall shu kabi holatlarda qoʻllashni lozim topishi mumkin boʻlgan sud taʼqiqi yoki adolatli hukm huquqi koʻrinishidagi qonuniy himoya vositalaridan foydalanishiga rozilik bildirasiz. Shu kabi vositalar ZoodMall qonuniy asosda yoki adolatli hukm huquqi asosida egalik qilishi mumkin boʻlgan har qanday himoya vositalariga qoʻshimcha sifatida ishlatilishi mumkin.
    3. Yuqoridagilarga qoʻshimcha tarzda, ZoodMall istalgan vaqtda ogohlantirib yoki ogohlantirmasdan ushbu Foydalanish shartlarining amal qilishini toʻxtatib qoʻyishi mumkin boʻladi (yoki ularning bir qismini, masalan alohida Qoʻshimcha shartlar), agar:

      • ZoodMall tomonidan sizga xizmat koʻrsatish ZoodMall fikriga koʻra ortiq tijoriy jihatdan nomuvofiq deb topilsa;
      • ZoodMall sizga sababini tushuntirib yoki tushuntirmagan holda Veb-sayt yoki Xizmatlardan (toʻliq yoki qisman) foydalanishni toʻsib qoʻysa; yoki
      • Agar ZoodMall Veb-sayt ishiga yoki Xizmat koʻrsatishga halaqit qiluvchi kutilmagan texnik muammolarga duch kelsa.
    4. ZoodMall shuningdek biror sababga koʻra yoki hech qanday sababsiz Akkauntingizni oʻchirishi yoki faoliyatini toʻliq yoki qisman toʻxtatib qoʻyishi, xizmatlardan foydalanishingizni toʻliq yoki qisman toʻsib qoʻyishi mumkin. Aniq xizmatlarga nisbatan qoʻllaniladigan har qanday Qoʻshimcha shartlarda koʻrsatilishi mumkin boʻlgan holatlardan tashqari, Akkauntingiz faoliyatini toʻxtatib qoʻyishga quyidagilar kiradi: (I) Veb-saytdagi barcha takliflar yoki xizmatlarga kirishni toʻliq cheklash; (II) Akkaunt maʼlumotlariga, jumladan, shaxsiy maʼlumotlaringiz, kirish maʼlumotlari (parol va login), shuningdek, Akkauntingiz bilan bogʻliq barcha axborotlar, fayllar va materiallar hamda siz tomondan yuklangan foydalanuvchi kontentiga kirishni toʻliq cheklash; va (III) Xizmatlardan keyingi foydalanishga taʼqiq.
    5. Siz xizmatlardan foydalanishni toʻsib qoʻyish ZoodMall xohishiga koʻra amalga oshirilishiga va ZoodMall sizning oldingizda yoki uchinchi shaxslar oldida sizning Akkauntingizni oʻchirganlik uchun (va sizning akkauntingizdagi maʼlumotlarni ham oʻchirish) yoki sizning Veb-saytga yoki Xizmatlarga kirishingizni toʻxtatganlik uchun javobgar boʻlmasligiga rozilik bildirasiz.
    6. Yuqoridagilarga qaramasdan, amal qilish muddati toʻxtatilgandan/tugatilgandan soʻng amal qilinishi nazarda tutilgan ushbu Shartnomaning bu shartlari noaniq muddat davomida, to yoki agar ZoodMall ularning amal qilishini toʻxtatish toʻgʻrisida qaror qabul qilguncha oʻz kuchini saqlab qoladi. ZoodMall sizning ushbu Veb-saytda qilgan xaridingiz buyurtmasini qabul qilgan sotuvchilarni ushbu Shartnoma siz bilan bekor qilinganini va shu munosabat bilan sotuvchilar buyurtmani bekor qilishlari mumkinligi haqida ogohlantiradi. ZoodMall shuningdek sizning Veb-saytda amalga oshirgan barcha buyurtmalaringizni sizning hech qanday majburiyatlaringiz yoki javobgarligingizsiz bekor qilishi mumkin.
  13. QOʻLLANILADIGAN QONUNCHILIK VA YURISDIKTSIYA

    1. Ushbu Foydalanish shartlari va Veb-saytda va uning yordamida tuzilgan barcha bitimlar, shuningdek, siz va ZoodMall oʻrtasidagi oʻzaro munosabatlar, qonunlar ziddiyati tamoyillarini hisobga olmagan holda Shveytsariya qonunchiligiga asosan boshqariladi.
    2. Ushbu hujjatga, Veb-sayt, ushbu Foydalanish shartlari, Shartnoma(-lar) yoki Veb-sayt orqali tuzilgan bitimlar yoki siz va ZoodMall oʻrtasidagi oʻzaro munosabatlarga binoan, oid yoki nisbatan har qanday shikoyatlar, kelishmovchiliklar va tortishuvlar faqatgina arbitraj mahkamasiga yuboriladi va arbitraj jarayoni Shveytsariya savdo palatalari Arbitraj instituti tomonidan tayinlangan yagona arbitr tomonidan amalga oshirilishiga rozilik bildirasiz. Arbitraj mahkamasining oʻtkazilish joyi Shveytsariyaning Jeneva shahridir. Arbitraj mahkamasi 2012 yilgi xalqaro arbitrajning Shveytsariya savdo palatalari Arbitraj institutining Shveytsariya reglamentiga asosan amalga oshiriladi. Arbitrning qarori tortishuv tomonlari uchun yakuniy hisoblanadi.
  14. XABARLAR AYRIBOSHLASH

    Veb-saytdan foydalanish jarayonida, elektron xatlar, maʼlumotlar, axborotlar joʻnatganda yoki ZoodMall bilan axborot almashganda siz ZoodMall bilan elektron hujjatlar orqali xabarlar almashayotganingizga rozilik bildirasiz va tushunasiz hamda zarur boʻlganda, vaqti vaqti bilan ZoodMall dan xabarlar olib turishga rozilik bildirasiz. ZoodMall siz bilan Veb-saytda elektron pochta, xabarnomalar yoki elektron hujjatlar orqali yoki mobil telefoningizga xabarlar yuborish orqali xabarlar almashadi va bu amaldagi qonunchilik doirasida toʻliq hajmdagi xabar berish vositasi/elektron hujjat hisoblanadi.

  15. BOSHQA SHARTLAR

    1. Xabarnomalar: ushbu Foydalanish shartlari boʻyicha ZoodMall ning xabarnomalari sizga elektron pochta orqali yoki Veb-saytdagi umumiy xabar shaklida yuboriladi. Ushbu Foydalanish shartlari doirasida ZoodMall ga yuboriladigan har qanday xabarnoma elektron pochta orqali joʻnatilishi kerak.
    2. Qayta topshirish: siz Shartnoma yoki ushbu hujjatga asosan oʻzingizga taqdim etilgan huquqlarni hamda har qanday majburiyatlarni uchinchi shaxslarga qayta topshirishingiz yoki boshqa yoʻllar bilan berishingiz mumkin emas. Shu kabi har qanday qayta topshirish yoki berish yoki nazarda tutilgan qayta topshirish yoki berish yaroqsiz hisoblanadi. Ushbu Shartnomaga asosan ZoodMall ning huquqlari va/yoki majburiyatlari ZoodMall tomonidan sizning roziligingizni olish shartisiz har qanday uchinchi tomonga qayta topshirilishi yoki boshqa yoʻllar bilan berilishi mumkin. ZoodMall ushbu Shartnomada nazarda tutilgan xabarnomalar shartlariga asosan sizni shu kabi qayta topshirish yoki berish haqida xabardor etishi mumkin. ZoodMall oʻzining Veb-sayt bilan bogʻliq mol-mulkini sotib olayotgan uchinchi tomonga Akkauntingiz va Akkauntingiz maʼlumotlarini berish huquqiga ega boʻladi.
      • Shartlarning boʻlinishi: agar biror sababga koʻra tegishli yurisdiktsiyaga ega sud Shartnomaning ayrim shartlari yoki uning qismlarini yaroqsiz deb topsa, ushbu shart maksimal darajada qoʻllaniladi va bu tomonlarning maqsadlariga mos kelishi uchun yaroqli holatga keltirish imkonini beradi va bu narsa ushbu shartda aks ettiriladi hamda Shartnomaning qolgan qismlari oʻzining toʻliq kuchi va yaroqliligini saqlab qoladi. ZoodMall ushbu shartga aqlga muvofiq uslubda uning qoʻllanilishini taʼminlash uchun oʻzgartirishlar kiritishi mumkin va shu kabi oʻzgartirishlar Foydalanish shartlaridagi oʻzgarishlar shartlariga asosan yaroqli hisoblanadi.
      • Voz kechish: Shartnoma shartlarining yoki u bilan bogʻliq huquqlarning birontasini tomonlarning biri bajarolmasligi yoki bajarilishini choʻzishi oʻsha tomonning ushbu shart yoki huquqni qoʻllashdan voz kechishini anglatmaydi. Ushbu hujjat boʻyicha tomonlarga tegishli bir yoki undan koʻp huquqlarning qoʻllanishi Foydalanish shartlari, qonunlar yoki adolat huquqiga asosan tomonlarning sud himoyasiga oid huquqlari yoki vositalaridan foydalanishdan voz kechishini yoki bunga imkoniyati yoʻqligini anglatmaydi. Tomonlarning har qanday koʻrinishdagi voz kechishi faqatgina yozma shaklda rasmiylashtirilishi va oʻsha tomonning vakolatli shaxsi tomonidan imzolanishi lozim.
      • Printsipal-printsipal koʻrinishidagi munosabatlar: siz va ZoodMall mustaqil tomonlar hisoblanasiz va ushbu Foydalanish shartlaridagi hech qanday shartlar siz va ZoodMall oʻrtasida hamkorlik, qoʻshma korxona, shaxslar hamjamiyati, agentlik (ochiq yoki norasmiy), franshiza, savdo vakolatxonasi yoki mehnat munosabatlarini yaratish sifatida qabul qilinmasligi zarur. Qoʻshimcha ehtiyotkorlik choralari sifatida shuni aniq belgilash lozimki, ZoodMall sizning nomingizdan Masulotlar oldi-sottisi boʻyicha hech qanday shartnomalar tuzishga haqli emas va siz hamda ZoodMall ushbu shartnomani printsipal-printsipal asosda tuzdingiz.
      • Fors-major vaziyatlar: agar ushbu Foydalanish shartlari yoki ZoodMall yoki uchinchi tomonlar bilan tuzilgan boshqa Shartnomaga asosan har qanday oldi-sotti bitimini (masalan, logistik xizmat koʻrsatuvchi provayderlar bilan, buyurtmalarni bajarish tizimi, toʻlov shlyuzlari va b.) amalga oshirish boʻyicha har qanday xizmatlar koʻrsatish yoki majburiyatlarni bajarish mehnat tortishuvlari, ish tashlashlar, tabiiy ofatlar, toshqinlar, yashinlar, ogʻir ob-havo sharoitlari, materiallar tanqisligi, meʼyorlar kiritilishi, kommunal va aloqa tizimlari faoliyatidagi uzilishlar, zilzila, urushlar, revolyutsiyalar, terrorchilik hujumlari, fuqarolar noroziliklari, dushman mamlakatlarning harakatlari, blokada, emabrgo yoki yuridik kuchga ega boshqa qonunlar, davlat yoki sud organlari va ularning vakillarining harakatlari va ZoodMall yoki ZoodMall ning subpudratchilari sifatida xizmat koʻrsatuvchi uchinchi shaxslarning nazoratidan tashqarida va oldini olish imkoniyati boʻlmagan boshqa shunga oʻxshash vaziyatlar (Fors-major vaziyatlar) tufayli imkonsiz boʻlsa, cheklansa, kechiksa yoki bunga chetdan aralashish yuz bersa, u holda ZoodMall ushbu fors-major vaziyatlar doirasida va ular davom etayotgan davrda oʻz majburiyatlarini bajarishdan ozod etiladi. ZoodMall ushbu Shartnoma boʻyicha oʻzining majburiyatlarini bajarish uchun imkoniyati doirasida barcha tijoriy kuchlarini ishga soladi.

Eng arzon narx shartlari

Eng arzon narxlar kafolati bo'yicha ZoodMall foydalanish shartlari

ZoodMall eng arzon narxlar kafolati dasturi ("EANK") faqat "Eng arzon narxlar kafolati" yorlig'iga ega mahsulotlarga qo'llaniladi hamda quyidagi foydalanish shartlariga asoslanadi ("EANK Foydalanish shartlari"). EANK Foydalanish shartlari ZoodMall tomonidan qo'llaniladigan asosiy foydalanish shartlariga qo'shimcha ravishda qo'llaniladi.

  1. EANK talab qilish buyurtma berilgan kundan boshlab 15 kun ichida mahsulot sahifasidagi talab qilish tugmasini bosish orqali talab qilinishi lozim.
  2. EANK talabi shakli mavjud narxlar bilan solishtirilgan rasmlarning skrinshotlari bilan, sana va vaqtlari hamda kerakli havolalar bilan birga taqdim etilishi lozim.
  3. Talab faqatgina buyurtma ZoodMall'da muvaffaqiyatli amalga oshirilgan bo'lsa kuchga ega bo'ladi.
    Xarid amalga oshganini tasdiqlash uchun xaridordan mavjud buyurtma raqami talab etiladi.
  4. Har bir foydalanuvchi bir haftada umumiy maksimal miqdori 100 dollarga teng (ZoodMall xohishiga qarab xarid sanasi yoki talab kiritilgan sana yoki talab qabul qilingan sanadagi valyuta ayriboshlash kursiga asoslangan mahalliy valyutada hisoblanadi) faqat uchta (3) talab kiritishi mumkin. Belgilangan hafta ichidagi har qanday qo'shimcha talablar rad etiladi.
  5. Narxdagi farq mamlakatdagi raqobat qiluvchi onlayn elektron savdo saytlarida berilgan mahsulotlarning sof sotish narxi asosida hisoblanadi, lekin vaucher/kuponlar, keshbek yoki kredit karta promo aksiyalari, yetkazib berish narxlari kabi maxsus chegirmalar, jumladan soliqlar va boj to'lovlari, bundan istisno. Mahsulot narxidagi talab kiritilgan vaqt va qaror qabul qilingan vaqt ichidagi hech qanday o'zgarish dastlabki narxga va to'lov summasiga ta'sir etmaydi. Yuqoridagi 4 xatobishidan kelib chiqib, ruxsat berilgan talab uchun umumiy to'lov summasi narx farqining 200% tashkil etadi va ZoodMall tomonidan yaroqlilik muddati 3 oy bo'lgan kuponlar shaklida taqdim etiladi. Kompensatsiya koeffisienti maxsus aksiyalar paytida oldindan ogohlantirmasdan o'zgartirilishi mumkin.
  6. Narxlari solishtirilishga taqdim etilgan mahsulotlar raqobatchining narxlari bilan solishtirilganda quyidagi bir xil parametrlarga ega bo'lishi lozim:
    • Turi
    • Ta'rifi/parametrlari
    • Brendi
    • Rangi
    • Holati
    • Model chiqarilgan yili
    • Bepul buyumlari
    • O'lchami
    • Kafolat shartlari
    • Yaratilish joyi (mahalliy yoki xalqaro)
      Bunga mahsulotning partiyasi kirishi mumkin bo'lib, partiyadagi barcha solishtirilayotgan buyumlar bir xil bo'lishi lozim.
  7. Raqobatchining veb-sahifasida mavjudligi ko'rsatilgan mahsulot bizda mavjud bo'lishi (ya'ni sotib bo'linmagani) va biz solishtirishni amalga oshirayotgan paytimizda ham bizdagi narxdan arzonroq bo'lishi lozim.
  8. Barcha narxlar mahalliy valyutada ko'rsatilishi lozim.
  9. Talabning tasdiqlangani haqida qalqib chiquvchi xabar yoki elektron xabar orqali buyurtma berilgan vaqtdan boshlab bir hafta ichida xabar beriladi.
  10. Ushbu haqidagi har qanday tortishuv ZoodMall tomonidan hal etilishi va qaror berilishi lozim. Barcha qarorlar yakuniy hisoblanadi.
  11. ZoodMall akkaunti faol bo'lmagan har qanday foydalanuvchiga ushbu masalada rad javobi berish huquqini o'zida saqlab qoladi.
  12. ZoodMall EANK Foydalanish shartlarini oldindan ogohlantirmasdan o'zgartirish huquqini o'zida saqlab qoladi. EANK Foydalanish shartlari bilan boshqa har qanday ZoodMall shartlari o'rtasida ziddiyat yuzaga kelsa, ZoodMall ushbu masalani qanday yechishni o'zi hal etadi.
  13. Narxlar istalgan vaqtda o'zgarishi mumkin, ammo bu kabi o'zgarishlar Buyurtmasi tasdiqlangan buyurtmalarga ta'sir o'tkazmaydi.
  14. Saytimizda katta miqdorda mahsulotlar mavjud va barcha qilayotgan urinishlarimizga qaramasdan saytimizdagi ayrim mahsulotlarning narxi noto'g'ri ko'rsatilgan bo'lishi mumkin. Biz odatda mahsulotni sizga jo'natayotganda narxlarni tekshiramiz va agar mahsulotning haqiqiy narxi saytda ko'rsatilganidan arzon bo'lsa, biz sizga uning asl narxida, ya'ni arzonroq narxda yuboramiz. Agar mahsulotning asl narxi saytdagi narxdan balandroq bo'lsa biz odatda o'z xohishimizdan kelib chiqib sizga bu haqda xabar berishimiz yoki sizni oldindan ogohlantirib buyurtmani bekor qilishimiz mumkin. Agar siz buyurtma qilgandan so'ng ma'lum vaqt o'tib siz buyurtma berganda kiritgan bog'lanish ma'lumotlaridan foydalanib sizd bilan bog'lana olmasak, biz buyurtmani bekor qilamiz va bu haqda sizni ogohlantiramiz
  15. Agar narx masalasida ochiq-oydin xato yuz bergani aniqlansa va siz tomondan narxlarning xato belgilanishi deb topilsa, biz, hattoki sizga Buyurtmangiz tasdiqlangani to'g'risida xabar yuborganimidan keyin ham, hech qanday holatda sizga mahsulotni noto'g'ri (past) narxda sotishga majbur emasmiz.

Mahsulotlarni va toʻlovlarni qaytarish siyosati

Mahsulotlarni qaytarish siyosati

ZoodMall mijozlarga eng yaxshi xarid muhitini yaratishga astoydil harakat qiladi.

Olgan mahsulotlaringiz taʼriflanganday boʻlmasa, nuqsonli yoki zarar koʻrgan boʻlsa, ularni yetkazib berilgan kundan boshlab 14 kun ichida qaytarib berishingiz mumkin. Ammo, fikr oʻzgarib qaytarish niyati paydo boʻlsa, bu ishni buyurtma joylangan vaqtdan boshlab 8 soat ichida amalga oshirish mumkin boʻladi.

  • Nosoz mahsulotlarni qabul qilgan taqdiringizda, buyurtma yetkazilgan paytdan boshlab 48 soat ichida qoʻllab-quvvatlash xizmatiga murojaat qilishingiz shart.
  • Mahsulotlar yangi holatda boʻlishi kerak va asl oʻramida barcha aksessuarlari (jumladan, yoʻriqnomalar, kafolat kartalari, haqiqiylik sertifikati) va bepul sovgʻalari bilan qaytarilishi lozim.
  • Mahsulot ishlatilmagan yoki oʻrnatilmagan yoki unga maʼlumotlar yozilmagan boʻlishi kerak.
  • Qaytarishni rasmiylashtirish uchun toʻplamdagi barcha mahsulotlar toʻliq qaytarilishi lozim.
  • Toʻplamdagi biror mahsulot (masalan sut aralashmalari) ochilmagan boʻlishi lozim, yoʻqsa mahsulot qaytarib olinmaydi.

Shuni qayd etish lozimki, ayrim mahsulotlar gigiyenik (ichkiyimlar) va logistik sabablar tufayli qaytarib olinmaydi.

Agar siz barcha talablarga javob bersangiz va qaytarish istagida qolsangiz, Buyurtma sahifasidagi mahsulotning yonidagi "Qoʻllab-quvvatlash bilan bogʻlanish" tugmasini bosib qaytarish jarayonini boshlashingiz mumkin.

Shuningdek, siz biz bilan +7 727 3110790 telefon raqami orqali bogʻlanishingiz mumkin. Agar qaytarish yuqoridagi talablarga koʻra asosli deb topilsa, mahsulotlar ZoodMall omboriga yetib kelgan kundan boshlab 5 ish kuni ichida biz sizga xabar beramiz va toʻlovni 14 kun ichida qaytaramiz. Agar qaytarish asosli deb topilmasa, mahsulot oʻzingizga qaytarib yuboriladi.

Hech qanday tez buziluvchi mahsulotlarga nisbatan mahsulotni qaytarib berish/kompensatsiya yoki bekor qilishlar qoʻllanilmaydi. Sizga yetkazildan mahsulotdan koʻnglingiz toʻlganini bilish uchun buyurtmani olishingiz bilan uni diqqat bilan koʻzdan kechiring.

Toʻlovlarni qaytarish siyosati

Toʻlovni qaytarib berish mahsulotni qaytarish yoki buyurtmani bekor qilish hollarida amalga oshiriladi. Toʻlovni qaytarib berish talabini buyurtmani olgan kuningizdan boshlab 14 kun ichida kiritishingiz mumkin. Buning uchun Buyurtma sahifasidagi mahsulotning yonidagi "Qoʻllab-quvvatlash bilan bogʻlanish" tugmasini bosing.

Qaytarib berilgan mahsulotlar uchun toʻlovni qaytarib berish mahsulot ZoodMall obmoriga qaytib tushgandan va yaroqli deb baholanganidan soʻng amalga oshiriladi.

Agar kredit, chegirma yoki promo kodlar qoʻllanilgan boʻlsa, bekor qilish jarayoni ZoodMall yoki sotuvchi tomonidan boshlanmagan boʻlsa, sizga qaytarib berilmaydi.

Sizga faqat mahsulot uchun toʻlagan pulingiz qaytarib beriladi.

  • Agar ZoodMall mahsulotni almashtirib yoki toʻlovni qaytarib bersa, qaytarilgan mahsulotlar yoki qismlar ZoodMall mulkiga aylanadi.
  • Qaytarilgan mahsulotlarni joʻnatish haqi quyidagi hollarda qaytariladi:
  • Buyurtma sotuvchining aybi bilan bekor qilingan boʻlsa.
  • Mahsulotlar zarar koʻrgan/nuqsonliligi sabab qaytarilgan boʻlsa.
  • Mahsulot yoki uning qismlari yetishmasligi sabab qaytarilgan boʻlsa.
  • Notoʻgʻri/adashib joʻnatilgan mahsulot sabab qaytarilgan boʻlsa.

Toʻlovni qaytarish

Toʻlovni qaytarish imkon qadar mahsulot uchun toʻlashda foydalanilgan (kredit kartasi/debit kartasi/tarmoq banki yoki toʻlov shlyuzi) toʻlov kanaliga amalga oshiriladi. ZoodMall toʻlovni amalga oshirish rejimini oʻzi tanlash huquqini saqlab qoladi.

ZoodMall qaytarilgan pullar hisobingizga qaytib tushish vaqti borasida kafolat bermaydi. 14 kun ichida pul tushmasa bankingiz yoki toʻlov xizmatlari provayderiga murojaat qiling.

ZoodMall istalgan vaqtda, ogohlantirishsiz toʻlovlarni qaytarib berish mexanizmini oʻzgartirish boʻyicha huquqni oʻzida saqlab qoladi.

Savol bering
Chat